QT رەداكتسياسى ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنا تاۋەلسىزدىك تۇسىندا تۋعان «نۇرسۇلتاندار» مەن «ءاليحانداردىڭ» سانى جونىندە ارنايى سۇراۋ جولدادى. قاڭتار تولقۋى بولعان بىلتىر تۋعان ەر بالالارعا «ءاليحان» ەسىمى «نۇرسۇلتانعا» قاراعاندا 60 ەسە كوپ بەرىلگەن.
ۇلتتىق ستاتيستيكا بيۋروسىنىڭ رەداكتسياعا بەرگەن جاۋابىنداعى رەسمي دەرەك قوعامنىڭ ازاماتتىق-ساياسي كوزقاراسىنىڭ وزگەرۋ ديناميكاسىن ايقىنداۋدا بالاما اقپارات بولۋى مۇمكىن.
تاۋەلسىزدىك جاريالانعان جىلى «نۇرسۇلتان» ەسىمى وتە كوپ بەرىلگەن. 90-شى جىلداردىڭ ىشىندە اقىرىنداپ ازايا تۇسكەن. 2000 جىلى كورسەتكىش مىڭدىقتان قۇلاپ، ءححى عاسىردىڭ العاشقى جىلىنان ارى قاراي قايتا ارتادى. 2007 جىلعى داعدارىس تۇسىندا قاتارىنان ءۇش جىل تومەندەي تۇسكەن. 2010, 2011 جىلى ءوسىم بايقالادى. جاڭاوزەن وقيعاسىنان سوڭ ءۇشىنشى ونجىلدىقتا ۇزدىكسىز كەمي باستاعان. 2015 جىلدان كەيىن كۇرت ازايعان. رەسپۋبليكانىڭ باسىم بولىگىن «شال، كەت!» ۇرانىمەن قامتىعان، اياعى قىرعىنعا اينالعان قاڭتار وقيعاسى بولعان 2022 جىلى العاش مارتە «جۇزدىكتەن» تومەندەگەن.
ءاليحان ەسىمى ەگەمەندىك دەكلاراتسياسى قابىلدانعان 1990 جىلدان كەيىن ەلەۋسىز بولسا دا تۇراقتى تۇردە بەرىلگەن. جۇيەلى ءوسىم 2005 جىلعا قاراي مىڭدىققا جەتكەن. مەن بەرىلە باستاعان. ءتورت جىلدا ەكى مىڭدىققا، ءىزىن الا ەكى جىلدا ءۇش مىڭدىققا ورلەي جونەلەدى. جىلىنا ءۇش مىڭنىڭ ۇستىندە ءاليحاندار دۇنيەگە كەلىپ جاتتى. شەتەلدىكتەرگە ساتىلاتىنى تۋرالى زاڭ جوباسى شىعىپ، ەلدى جەر داۋى شارپىپ، حالىق شەرۋلەتكەن 2016 جىلى شيرەك عاسىر مىڭداپ قويىلعان «نۇرسۇلتان» ەسىمى مىڭدىقتان كۇرت ازايدى. قازاق ازاماتتىق قوعامىنىڭ جاڭاوزەننەن كەيىنگى سەرپىلىسى بولعان مەشىن جىلى 873 «نۇرسۇلتان»، 4766 «ءاليحان» تۋدى. تاۋەلسىزدىكتىڭ ءۇشىنشى ونجىلدىعى ءا دەگەننەن جىلىنا 6 مىڭڭنان اسا «ءاليحانداردىڭ» تولىسۋىمەن سۇيىنشىلەدى.
وسىلايشا، قازاقستان مەملەكەتتىلىك تاريحىندا ماڭىزدى ءرول اتقارعان ساياساتكەرلەردىڭ ەسىمى ۋاقىت كەڭىستىگىندە ەكى ءتۇرلى دەڭگەيدە كەسكىندەلەدى. ۋاقىت باعاسى قوعام پىكىرىندە كورىنىس تابادى دەگەن الەۋمەتتانۋشى، تاريحشىلاردىڭ تۇجىرىمىن ونوماستيكا تالداۋى راستايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟