ۋكراينادا سوعىس باستالعاننان بەرى 3 مىڭ 496 بەيبىت تۇرعىن قازا تاپتى. بۇل تۋرالى بىرىككەن ۇلتتار ۇيىمىنىڭ ادام قۇقىقتارى جونىندەگى جوعارى كوميسسياسى مالىمدەدى. حالىقارالىق قاۋىمداستىقتىڭ اتالعان كوميسسياسى سوعىس باستالعاننان بەرى ۋكرايناداعى قازا بولعاندار تۋرالى مالىمەتتەردى توپتاستىرىپ كەلگەن.

ۇيىمنىڭ 10 مامىرعا دەيىنگى ەسەپكە العان دەرەكتەرىنە قاراعاندا، سوعىس باستالعاننان بەرى 3496 بەيبىت تۇرعىن قازا تاۋىپ، 3760 ادام ءتۇرلى جاراقات العان. دەرەكتەرگە ساي، بەيت تۇرعىنداردىڭ كوبى اۋە شابۋىلدارى، ارتيللەريالىق سوققى جانە زىمىران شابۋىلدارىنان كوز جۇمعان.

اتالعان كوميسسيا قۇربان بولعانداردىڭ ناقىتى سانى بۇل تىزىمنەن الدە قايدا كوپ بولۋى مۇمكىن ەكەنىن ەسكەرتەدى. سەبەبى، سوعىس قىزۋ ءجۇرىپ جاتقان ايماقتاردان ناقتى دەرەكتەردى جيناۋ مۇمكىن ەمەس.

The Qazaq Times