6 اقپاندا رەسەي ەۋرووداقتىڭ ءۇش ديپلوماتىن «زاڭسىز شارالارعا قاتىستى» دەپ ايىپتاپ، ەلدەن شىعارعان بولاتىن. ەندى رەسەيگە جاۋاپ رەتىندە گەرمانيا، شۆەتسيا جانە پولشا ءۇش رەسەيلىك ديپلوماتتى «نون گراتا» دەپ جاريالادى.
گەرمانيا ۇكىمەتى بۇل قادامىن «ماسكەۋدىڭ نەگىزسىز ارەكەتىنە جاۋاپ» دەپ مالىمدەدى. سونىمەن قاتار، باتىس ەلدەرى كرەملدەن الەكسەي ناۆالنىيدى بوساتۋدى تالاپ ەتتى.
بشۇعان دەيىن رەسەي ءسىم مالىمدەمەسىندە: «بۇل ارەكەتتەرى ورىنسىز ءارى ولاردىڭ ديپلوماتيالىق مارتەبەسىنە ساي كەلمەيدى. ديپلوماتيالىق قاتىناستار تۋرالى 1961 جىلدىڭ 18 ساۋىرىندەگى ۆەنا كونۆەنتسياسىنا سايكەس، زاڭسىز شارالارعا قاتىسقان ديپلوماتتار «persona non grata» دەپ جاريالاندى» دەلىنگەن. رەسەي سىرتقى ىستەر مينيسترلىگى شەتەلدىك ديپميسسيا وكىلدەرىن «حالىقارالىق قۇقىق نورمالارىنا قاتاڭ باعىنۋعا» شاقىرعان.
2 اقپاندا ماسكەۋ قالالىق سوتىندا ناۆالنىيدىڭ «يۆ روشە» ىسىندەگى شارتتى مەرزىمىن اۋىستىردى. ناۆالنىي جازاسىن جالپى رەجيمدەگى كولونيادا وتەيدى. شەشىم كۇشىنە ەنگەنگە دەيىن ول تەرگەۋ يزولياتورىندا قالادى. ۇكىم شىققاننان كەيىن باتىس ەلدەرى رەسەي بيلىگىنىڭ بۇل ارەكەتىن «ەركىندىك قۇقىعى مەن زاڭ ۇستەمدىگىنە جاسالعان اۋىر سوققى» دەپ سىنعا الىپ، ناۆالنىيدى بوستاۋدى تالاپ ەتتى. باتىس ەلدەرىنىڭ ناۆالنىيدى بوساتۋ تۋرالى دابىلىنا كرمەلدىڭ اتىنان جاۋاپ بەرگەن رەسەي ءسىم-ءنىڭ رەسمي وكىلى ماريا زاحاروۆا «نەگىزسىز شەشىم» دەپ قىسقا قايىردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟