قىتايدىڭ اسكەري جاتتىعۋى. فوتو: VPA

قىتاي دۇيسەنبىدەن باستاپ ءبىر ۋاقىتتا بەس جەردە اسكەري وقۋ-جاتتىعۋ وتكىزۋدە. بۇل قىتاي حالىق ازاتتىق ارمياسىنىڭ سوڭعى ەكى اي ىشىندە ەكىنشى رەت ءبىر مەزەتتە بەس جەردە اسكەري جاتتىعۋ وتكىزۋى.

سوڭعى ايلاردا اقش-قىتاي قارىم-قاتىناسى كۇرت ناشارلاپ، تايۋان (تايۆان) بۇعازى مەن وڭتۇستىك قىتاي تەڭىزىندەگى ەكى ەلدىڭ اسكەري جاتتىعۋلارى مەن وزگە دە اسكەري ءىس-قيمىلدارىنىڭ سانى ءوستى.

قىتاي قارۋلى كۇشتەرى تاراتقان رەسمي مالىمدەمەدە تەڭىز اسكەري وقۋ-جاتتىعۋلارىنىڭ وڭتۇستىك قىتاي تەڭىزى، شىعىس قىتاي تەڭىزى جانە بوحاي تەڭىزىنىڭ سولتۇستىگىندە وتكىزىلەتىنى ايتىلعان. حۋاڭحاي مەن شىعىس قىتاي تەڭىزىندەگى جاتتىعۋلاردا شىنايى وقتار پايدالانىلاتىنى ەسكەرتىلگەن. ءارى بۇل اتالعان تەڭىز ايدىندارىنداعى جاتتىعۋ 30 قىركۇيەككە دەيىن جالعاسادى. ازاماتتىق كەمەلەردىڭ اتالعان تەڭىز ايدىندارىنا كىرۋىنە شەكتەۋ قويعان.

قىتاي ارمياسىنىڭ جاۋىنگەرلىك شەبەرلىكتى شىڭعاۋ ءۇشىن اسكەري جاتتىعۋ وتكىزۋى قالىپتى جاعداي. الايدا، ءبىر ۋاقىتتا بەس جەردە اسكەري جاتتىعۋ وتكىزۋ قالىپتان تىس ارەكەت.

قىتايعا جاقىن تەڭىز ايماقتارىندا تالاستى تەرريتوريالار وتە كوپ. قىتايدىڭ وڭتۇستىك تەڭىزدەگى (قىتايدا وسىلاي اتالادى) جاساندى ارالداردىڭ اسكەريلەنۋى اتالعان تەڭىزگە شەكتەسەتىن مەملەكەتتەردىڭ قاۋىپسىزدىگى ءۇشىن جانە حالىقارالىق ماڭىزدى سۋ جولىنداعى قاۋىپسىزدىك ماسلەلەلەرى قاۋىپكە تاقالدى. بۇل قادام سونداي-اق، اقش پەن قىتاي اراسىندا سۋىتا تۇسكەن ماسەلەنىڭ ءبىرى.

“The Qazaq Times”