فوتوكوللاج: تۇركيا، قازاقستان جانە اقش پرەزيدەنتتەرى

ۋاشينگتون سءۇرياداعى جاعدايدى رەتتەۋگە ارنالعان استانا فورماتىن سىنعا الدى.

يدليب پروۆينتسياسىنداعى جاعدايدى تالقىلاۋعا ارنالعان قاۋىپسىزدىك كەڭەسىنىڭ وتىرىسىندا اقش-تىڭ بۇۇ-داعى تۇراقتى وكىلى كەللي كرافت: «استانا پروتسەسى ماسەلەنى رەتتەي المايدى. بۇل پروتسەسس باياعىدا «سىنعان» جانە قايتا قالپىنا كەلمەيدى. ءبىز بۇدان بىلاي استانالىق فورماتقا قايتىپ ورالمايمىز. يدليبتەگى قاقتىعىستى توقتاتۋ، ءسۇريا ماسەلەسىن شەشۋدى استانا كەلىسسوزىنە تاپسىرا المايمىز»، – دەپ مالىمدەدى.

كرافت سوزىندە ناتو مەن اقش تۇركيانىڭ قاداعالاۋ بەكەتتەرىنە جاسالعان شابۋىلداردان قورعانۋعا باعىتتالعان اسكەري وپەراتسيالارىن قولدايتىنىن ايتتى. وسى اپتادا تۇركيانىڭ سىرتقى ىستەر ءمينيسترى مەۆلۋت چاۆۋشوعلۇمەن سويلەسكەن ناتو باس حاتشىسى يەنس ستولتەنبەرگ «ءبىز رەسەيدىڭ ءسۇريا اسكەرىنە قولداۋ كورسەتىپ وتىرانىن جاقسى بىلەمىز جانە كرەملدىڭ بۇل قادامىن قولدامايمىز. الداعى ۋاقىتتا جاعداي ۋشىعىپ كەتپەس ءۇشىن رەسەي شەگىنۋى ءتيىس. ناتو تۇركياعا قولداۋ بىلدىرەدى»، – دەگەن بولاتىن. ك

2011 جىلى ءسۇريادا قارۋلى قاقتىعىس باستالعالى بەرى استانادا ءسۇريا ماسەلەسىن رەتتەۋ جونىندەگى كەلىسسوز جەتى مارتە ۇيىمداستىرىلدى. استانا كەلىسسوزىنە قولداۋ كورسەتۋشى ەلدەردىڭ ارقاسىندا، سۇرياداعى قاقتىعىس ۋاقىتشا توقتاتىلدى. رەسەي، يران جانە تۇركيا اتالعان ماسەلە جونىندەگى كەلىسىمشارتتى ورىنداۋشى كەپىلگەر-ەلدەر سانالادى.

ەسكە سالا كەتەيىك، كۇنى كەشە ءسۇريا ۇكىمەت كۇشتەرىنىڭ اۋە سوققىلارىنان 33 تۇرىك اسكەرىنىڭ قازا بولعانىن رەسمي انكارا راستادى. بۇعان جاۋاپ رەتىندە تۇركيا ءسۇريا ۇكىمەتىنە تيەسىلى بارلىق نىساننىڭ شابۋىل نىساناسىنا اينالاتىنىن ايتتى. 28 اقپان كەشكى ۋاقىتتا تۇركيا پرەزيدەنتى رەجەپ تايىپ ەردوعان رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. قازىرگى ۋاقىتتا يدليبتەگى احۋال ءجىتى باقىلاۋدا.

"The Qazaq Times"