ۆاكتسينا ءوندىرىسىنىڭ زەرتحاناسىندا. كورنەكى سۋرەت. فوتو: USAID Central Asia

پاندەميا باستالعالى اقش قازاقستانعا  جالپى جيىنى 6,8 ملن دوللار قارجى كومەك كورسەتتى.

اقش ەلشىلىگى امەرتيكالىق ءىرى دەرجاۆانىڭ COVID-19 ىندەتىنە قارسى كۇرەستە قازاقستانعا كومەك رەتىندە قوسىمشا 2,4 ملن دوللار بولەتىنىن حابارلادى.

قاراجات ۆاكتسينانى ۇلەستىرۋگە، دەزينفورماتسياعا قارسى كۇرەستى كۇشەيتۋگە جانە ءتۇرلى شتامنىڭ گەندەرىنە سەكۆەنيرلەۋ تالداۋىن جۇرگىزەتىن  زەرتحانالىق جۇيەلەردى نىعايتۋعا جۇمسالاتىن بولادى.

 «دەرتتىڭ شەكارا بولمايدى. اقش قازاقستانمەن پاندەميانى توقتاتىپ قانا قويماي، ونىڭ الەۋمەتتىك جانە ەكونوميكالىق سالالارداعى تەرەڭ سالدارىن جويۋعا جانە الدا كەز كەلگەن ىندەتكە ساقاداي ساي بولاتىن الەمدى قالپىنا كەلتىرۋگە، وسى ماقساتتار جولىندا سەرىكتەستىكتى نىعايتا تۇسۋگە دايىن»، – دەلىنگەن ەلشىلىك حابارلاماسىندا.

وسىعان دەيىن اقش-تىڭ حالىقارالىق دامۋ اگەنتتىگى (USAID) قازاقستاندىق 5 مىڭنان اسا مەديتسينا قىزمەتكەرىن كوروناۆيرۋس جايلى بىلىكتىلىك كۋرسىندا وقىتقان.

بيىل اقش ميسسياسى قازاقستانمەن ىسكەرلىك قاتىناسىنىڭ 30 جىلدىعىن اتاپ وتەدى. امەريكا قۇراما شتاتتارى قازاقستانعا 2 ملرد دوللار ينۆەستيتسيالادى، ونىڭ ىشىندە 92,8 ملن دوللاردان استام قارجى تۋبەركۋلەز بەن جقتب-نىڭ الدىن الۋ جانە ەمدەۋ سالاسىنداعى باعدارلامالاردى قولداۋعا جۇمسالدى.

The Qazaq Times