بۇگىن استانادا كەزەكتى ۇكىمەت وتىرىسى ءوتتى. جيىندا ءبىلىم جانە عىلىم ءمينيسترى اسحات ايماعامبەتوۆ 2025 جىلعا دەيىن قازاقستانداعى ءبىلىم مەن عىلىمدى دامىتۋدىڭ مەملەكەتتىك باعدارلاماسىمەن تانىستىرىپ، بىرقاتار وزگەرىستەردى جاريا ەتتى.
بىرنىشىدەن، 2002 جىلدان باستاپ ۇبت تاپسىرۋ ەلەكتروندى فورماتقا كوشىرىلەدى. ساناۋلى ۋاقىت ىشىندە گرانتتاردىڭ بىرنەشە ءتۇرى ەنگىزىلىپ، جوعارى وقۋ ورنىنىڭ قولجەتىمدىلىگى، اشىقتىعى قامتاماسىز ەتىلگەن.
ەكىنشىدەن، ءبىلىم گرانتى ورتاشا العاندا 340-420 مىڭنان 900 مىڭ تەڭگەگە دەيىن وسىرىلمەك. 2011 جىلدان باستاپ گرانت قۇنى جالپى وزگەرمەگەن. وسىعان بيۋدجەتتەن 244 ملن تەڭگە قاراستىرىلعان.
ۇشىنشىدەن، 2025 جىلعا دەيىن 90 مىڭ ورىنعا ارنالعان جاتاقحانا الىنباق.
تورتىنشىدەن، «جاس مامان» جوباسى بويىنشا 180 كوللەدجدىڭ ماتەريالدىق-تەحنيكالىق بازاسى جاڭارتۋ ماقساتىندا بيۋدجەتتەن 58 ملرد تەڭگە بولىنبەك. ايماعامبەتوۆ سوزىندە: «تەگىن كاسىبي تەحنيكالىق ءبىلىم باعدارلاماسىمەن جىل سايىن 100 مىڭ ستۋدەنتتى قامتيتىن بولامىز. ال دۋالدى وقۋمەن قامتىلعان ستۋدەنتتەردىڭ سانى 35%-عا جەتەدى. كوللەدج ستۋدەنتتەرىن جۇمىسقا ورنالاستىرۋ كورسەتكىشى 60-تان 75%-عا دەيىن جەتەتىن بولادى»، – دەدى.
قازىرگى ۋاقىتتا پەداگوگيكا ماماندارىن دايىندايتىن 85 ۋنيۆەرسيتەت بار. ءمينيستردىڭ ايتۋىنشا، وسى وقۋ ورىندارىنا قوسىمشا تالاپتار قويىلىپ، سانى ازايتىلماق. سونىمەن قاتار، ماتەريالدىق بازاسىن نىعايتۋعا كوڭىل بولىنبەك.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
Oyan, Qazaqstan قوزعالىسىنىڭ تاعى ءبىر بەلسەندىسىن پوليتسيا بولىمىنە شاقىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
ەكس-مينيستر ايەلىن ساباپ ءولتىردى دەگەن كۇدىكپەن ۇستالدى