ۋاشينگتون قىتايدىڭ گونكونگتەگى ارەكەتىنە الاڭداۋشىلىق ءبىلدىرىپ، بەيجىڭدى ايماقتاعى ەرەجەگە نەگىزدەلگەن حالىقارالىق ءتارتىپتى بۇزدى دەپ قاتاڭ ايىپتاپ وتىر.

اقش قورعانىس ءمينيسترى مارك ەسپەر ۆەتنامعا رەسمي ساپارىندا گونكونگتەگى قاقتىعىستارعا قاتىستى مالىمدەمە جاسادى. قىتاي كورشى ەلدى ادەيى قورقىتىپ وتىر دەگەن پەنتاگون باسشىسى: «قىتايدىڭ زاڭسىز ارەكەتتەرى باسقا ەلدەردىڭ تابيعي رەسۋرستارعا قول جەتىمدىلىگىنە قاۋىپ ءتوندىرىپ كەلەدى. ايماقتىق ەنەرگەتيكالىق نارىقتاردىڭ تۇراقتىلىعىن بۇزىپ، گونكونگتەگى ققاقتىعىستارعا سەپ بولىپ وتىر»، — دەدى.

ۆەتنام ساپارىندا ەسپەر كەلەسى جىلى اقش ۆەتنامعا گاميلتون كلاستى ەكىنشى ءىرى تەڭىز پاترۋلدىك كەمەسىن تاپسىراتىنىن دا ايتتى. بۇل حانويدىڭ قانداي دا ءبىر شيەلەنىستەر جاعدايىندا ءوز ەگەمەندىگىن الۋ مۇمكىندىگىن ارتتىرادى.

وسى جولى اقش ۆەتنامنىڭ اسكەري-تەڭىز كۇشتەرىنىڭ ماتەريالدىق-تەحنيكالىق بازاسىن نىعايتۋعا كومەكتەسەتىن 18 ۇساق پاترۋلدىك قايىقتى تاپسىردى. كەلەسى جىلى حانوي تاعى 24 كەمە الماق. قايىقتاردى جەتكىزۋ ۆەتنام-امەريكاندىق جوباسىنا سايكەس جۇزەگە اسىرىلادى: ۆەتنام اسكەري-تەڭىز كۇشتەرىنىڭ تابيعي اپاتتارعا، توتەنشە جاعدايلارعا جاۋاپ بەرۋگە دايىندىعىن ارتتىرۋعا باعىتتالعان.

گونكونگتەگى جاپپاي نارازىلىق شەرۋلەرى ماۋسىمدا باستالعان. 16 ماۋسىمدا 2 ميلليونعا جۋىق ادام نارازىلىق شەرۋىنە شىققان ەدى. بۇل ەل تاريحىندا بولماعان ماسسالىق نارازىلىق اكتسياسى. وسى سىندى اۋقىمدى نارازىلىق شەرۋى گونكونگتە 1997 جىلدان بەرى بولعان ەمەس. سول تۇستا بريتانيا ۇكىمەتى گونكونگتى قىتاي ۇكىمەتىنىڭ ايرىقشا باسقارۋ تارتىبىنە وتكەرىپ بەرگەن بولاتىن. بۇعان نارازى ءجۇز مىڭداعان ادام كوشەگە شىعىپ، قحر بيلىگىن قابىلداۋعا قارسى نارازىلىق بىلدىرگەن. گونكونگتا جەرگىلىكتى اكىمشىلىك باسشىسى كەرري لام زاڭ جوباسىن كۇن تارتىبىنەن الىپ تاستاۋ تۋرالى شەشىم قابىلدادى، بىراق بۇل ۇكىمەتكە قارسى نارازىلىق تولقىنىن توقتاتپادى.

قازىرگى ۋاقىتتا گونكونگتە اپتا سايىن جالعاسىن تاپقان حالىق شەرۋلەرىن اقش، بۇۇ وكىلدەرى، شەتەلدىك اگەنتتىكتەر باقىلاپ وتىر.

"The Qazaq Times"