پەنتاگون: ءبىز قىتايدىڭ زىمىرانىنا ەمەس، جالپى مۇمكىندىگىنە قارايمىز

شىلدەنىڭ سوڭىندا قىتاي گيپەر-دىبىستىق زىمىران سىناعىن ءساتتى وتكىزىپ، ءوزىنىڭ زىمىران قۋاتىنىڭ ارتقانىن ايگىلەدى. قىتايدىڭ بۇل قادامى اقش-تىڭ قاۋىپسىزدىك كۇشتەرىن قاتتى الاڭداتىپ وتىر. ءتىپتى كەيبىر قاۋىپسىزدىك ساراپشىلارى قىتايدىڭ زىمىران سىناعى وتكەن عاسىر ورتاسىندا كەڭەس وداعىنىڭ Sputnik I جاساندى سەرىگىن ۇشىرۋىمەن سالىستىرا ايتادى. الايدا، ءبىر كۇن بۇرىن مالىمدەمە جاساعان پەنتاگوننىڭ بۇل باعالاۋعا كەلىسپەيتىنىن ايتتى.

اقش قورعانىس ءمينيسترى وستين سوزىندە قىتايدىڭ اسكەري قۋاتىنىڭ ارتۋى قۇراما شتات اسكەري قۋاتىن دامىتۋعا دەگەن «سيگنال» دەگەن پىكىرىن ءبىلدىردى. «بىراق، اقش گيپەر-دىبىستىق زىمىران سەكىلدى ارنايى مۇمكىندىكتەرگە ەمەس، «جالپى كۇشتى قۋاتقا» كوبىرەك كوڭىل بولەدى»، – دەدى.

نەگە اقش قىتايدىڭ گيپەر-دىبىستىق زىمىرانىنان الاڭدايدى؟ سەبەبى، بۇل زىمىران ءتۇرى دىبىس جىلدامدىعىنان بەس ەسە تەز ۇشادى دا، ونى زىمىران قورعانىس جۇيەلەرى ارقىلى ۇستاۋ نەمەسە راداردان تاۋىپ الۋ قيىنعا تۇسەدى. گيپەر-دىبىستىق زىمىرانعا يە بولۋى قىتايدىڭ جەر شارىنىڭ كەز-كەلگەن نۇكتەسىنە ۇشىپ جەتەتىن قارۋعا يە بولعانىن ايقىندايدى.

الايدا، Financial Times باسىلىمىنىڭ وسى اپتاداعى حابارىندا كورسەتكەندەي سىناق كەزىندە قىتايدىڭ اتالمىش زىمىرانى نىسانادان بىرنەشە شاقىرىمداي اۋىتقۋ كورسەتكەن.

The Qazaq Times