ەلورداسىندا الماتى اۋداندىق پوليتسيا باسقارماسىنىڭ تەرگەۋشىسى ديحانوۆ قر قك 366-بابىنىڭ 1-بولىمىمەن كىنالى دەپ تانىلىپ، زاڭسىز جولمەن 80 مىڭ تەڭگە العانى ءۇشىن، پارا كولەمىنەن 25 ەسە ايىپپۇل سالىندى.
استانالىق سىبايلاس جەمقورلىققا قارسى دەپارتامەنتىنىڭ حابارلاۋىنشا، ەكس-تەرگەۋشىگە 2 ميلليون تەڭگە ايىپپۇل سالىنىپ، ەڭ اۋىرى، ءومىر بويىنا مەملەكەتتىك قىزمەتتەگى لاۋازىمداردى اتقارۋ قۇقىعىنان، «پوليتسيا لەيتەنانتى» ارناۋلى اتاعىنان دا ايىرىلدى.
انتيكوررۋپتسيا ۆەدومستۆوسى قر قپك 200-بابىنا سايكەس سىبايلاس جەمقورلىق قىلمىستاردى جاساۋعا ىقپال ەتەتىن جاعدايلاردى جويۋ اياسىندا الماتى اۋداندىق پوليتسيا باسقارماسىنىڭ جەكە قۇرامىمەن كەزدەسۋى وتكىزدى.
كەزدەسۋ بارىسىندا دەپارتامەنت قىزمەتكەرلەرى جانە ارنايى مونيتورينگتىك توپتىڭ توراعاسى شاۆكات يسمايلوۆ ادالدىق قۇندىلىقتارىن قالىپتاستىرۋ جانە قوعامنىڭ مەملەكەتتىك ورگاندارعا سەنىمىن ارتتىرۋعا باعىتتالعان الدىن الۋ شارالارى تۋرالى، سونىمەن قاتار «استانا – ادالدىق الاڭى» جوباسى اياسىندا سىبايلاس جەمقورلىققا قارسى قىزمەت پەن حالىقتىڭ بىرلەسكەن جۇمىستارى جونىندە ءسوز ەتتى.
قازاقستاندا سىبايلاس جەمقورلىق قىلمىسى باسەڭدەمەي، كەرىسىنشە ءورشىپ تۇر. سىبايلاس جەمقورلىققا قارسى ءىس-قيمىل اگەنتتىگىنىڭ وبلىستىق دەپارتامەنتىنىڭ دەرەگى ويىنشا، ءبىر عانا اقتوبە وبلىسىنىڭ وزىندە بيىلعى 9 ايدا جەمقورلىققا قاتىستى باسى ءبۇتىن 99 ءىس تىركەلىپ، تەرگەۋ ءجۇرىپ جاتىر. ونىڭ 50%-ى اۋىر ساناتقا جاتادى دەسەدى: قارجى جىمقىرۋ، مەملەكەت قارجىسىن تالان-تاراجعا سالۋ دەرەگى بويىنشا 30 ءىس، قىلمىستىق وكىلەتتىلىگىن اسىرا پايدالانۋدا 38 ءىس، پارا الۋدا 24 قىلمىستىق ءىس بار.
كۇنبە-كۇن ورشىگەن جەمقورلىقتىڭ «سالدارىمەن كۇرەس» قاشانعى جالعاسپاق؟ سىبايلاس جەمقورلىقتى قابىلداۋ يندەكسى بويىنشا 124-ءشى ورىنعا جايعاسقان قازاقستاندا قازىنا ۇرىلارىنىڭ ۇلكەنى شالقىپ، ۇساعى وڭاي تۇتىلىپ ءجۇر. ازاماتتىق قوعامنىڭ بەلسەندى وكىلدەرى «ۇساق ويىنشىلار تۇتىلعان كەزەكتى پروفيلاكتيكا»، «ارانى زور پاراقورلار مەن ۇرىلاردى ۇستاۋعا دارمەنسىز، سەبەبى ءبارىنىڭ اۋىزى ءبىر» دەپ سانايدى.
«ايران ىشكەنى قۇتىلىپ، شەلەك جالاعانى تۇتىلا قوياتىن» سىبايلاس جەمقورلىقپەن كۇرەس ساياساتىنىڭ كۋرس-باعدارىن وزگەرتۋگە اقجاعالىلاردىڭ باتىلى بارا قويار ما ەكەن؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى