قازاقستاننىڭ سىبايلاس جەمقورلىققا قارسى قىزمەتى «قازاگرو» مەملەكەتتىك حولدينگىنىڭ «اگرارلىق نەسيە كورپوراتسياسى» اق باسقارۋشى ديرەكتورى باسقارما مۇشەسىنە قاتىستى سىبايلاس جەمقورلىق قىلمىسىن جاسادى دەگەن كۇدىكپەن سوتقا دەيىنگى تەرگەۋدى باستادى.
سىبايلاس جەمقورلىققا قارسى قىزمەتىنىڭ حابارلاماسىندا «... الداۋ جانە سەنىمگە قيانات جاساۋ ارقىلى كۇدىكتى «ينتەر-اگرو» جشس مەن «ينتەراگروترەيد» جشس-ءنىڭ قۇرىلتايشىسىنا جانە باسشىسىنا تيەسىلى، الدىن-الا كەلىسىلگەن 200 مىڭ دوللاردان 20 ميلليون تەڭگەنى ونىڭ قۇزىرەتىنە كىرمەيتىن شەشىم قابىلداعانى ءۇشىن، اقتوبە وبلىسىندا ورنالاسقان ەلەۆاتور – كەپىل مۇلىگىن ساتىپ الۋ-ساتۋ شارتىن جاساۋ تۇرىندە العان» ، – دەلىنگەن.
حابارلامادا كۇدىكتى تۋرالى تولىق مالىمەتتەر كورسەتىلمەگەن. ازىرگە بەلگىلىسى ول ۇستالىپ، استانادا ۋاقىتشا ۇستاۋ يزولياتورىنا قامالعان. سونداي-اق، كۇزەتپەن ۇستاۋ تۇرىندەگى بۇلتارتپاۋ شاراسىن تاڭداۋ ماسەلەسى قاراستىرىلىپ جاتىر.
«كۇدىكتىنىڭ كىناسى تۋرالى تۇپكىلىكتى شەشىمدى سوت شىعارادى»، – دەلىنگەن حابارلامادا.
بيىل قاڭتاردا جاريالانعان Transparency International ۇيىمىنىڭ ەسەبىندە سىبايلاس جەمقورلىقتى قابىلداۋ يندەكسى بويىنشا قازاقستان 180 ەلدىڭ ىشىندە 124-ءشى ورىنعا جايعاسقان. زەرتتەۋشى حالىقارالىق ۇيىمنىڭ اتقارۋشى ديرەكتورى ولگا شياننىڭ سوزىنشە، TI ەسەبىندە قازاقستان قارجى مينيسترلىگى قۇرىلىمىن كوررۋپتسيا جايلاعانىن، ال ىشكى ىستەر مينيسترلىگى وزىنە جۇكتەلگەن قىزمەت مىندەتىن اتقارۋعا «دارمەنسىز» ورگانعا اينالعانىن اتاپ كورسەتكەن.
Transparency International «قازىرگى كەزدە رەسەيدەن باستاپ ازەربايجانعا دەيىن، ۋكراينادان باستاپ وزبەكستانعا دەيىن كوپتەگەن ەلدەردە كوبىنە اۆتوريتارلىق باسقارۋ كەسىرىنەن دەموكراتيالىق ينستيتۋتتار مەن نورمالارعا قاتەر ءتونىپ تۇر. دەموكراتياسى ءالسىز قوعامدا كوررۋپتسيا ءورشيدى. مەملەكەتتىك سەكتورداعى كوررۋپتسيامەن كۇرەستە ساياسي ەرىك-جىگەردىڭ جوقتىعى ازاماتتاردىڭ ساياسي قۇقىقتارىن بۇزادى، سونىڭ كەسىرىنەن ادامدار كەيىن اسەرى قالاي بولادى دەپ الاڭداپ، وي-پىكىرىن اشىق بىلدىرە المايدى، شەرۋ وتكىزۋ جانە بىرىگۋ بوستاندىقتارىن پايدالانا المايدى» دەگەن ۇيىم بايانداماسىندا. ەلدەگى جەڭ ءۇشىنان جالعاسقان جەمقورلىقتان ابدەن زارەزاپ بولعان ازاماتتىق قوعام بەلسەندىلەرى قازىنا قاراجاتىنىڭ وڭ-سولدى تونالۋىنان حالىقتىڭ قاجىعانىن ايتادى.
كۇنبە-كۇن ورشىگەن جەمقورلىقتىڭ «سالدارىمەن كۇرەس» قاشانعى جالعاسپاق؟ «ايران ىشكەنى قۇتىلىپ، شەلەك جالاعانى تۇتىلا قوياتىن» سىبايلاس جەمقورلىقپەن كۇرەس ساياساتىنىڭ كۋرس-باعدارىن وزگەرتۋگە اقجاعالىلاردىڭ باتىلى بارا قويار ما ەكەن؟
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟