سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى 23 قازان كۇنى تۇركىستان وبلىسى جەتىساي اۋدانى قىزىلقۇم سەلولىق وكرۋگىنىڭ اكىمى مەن شىمكەنت قالاسىنىڭ ءال-فارابي اۋدانى اكىمدىگى كاسىپكەرلىك ءبولىمىنىڭ باسشىسى پارا الدى دەگەن كۇدىكپەن قىلمىس ۇستىندە ۇستالعانىن حابارلادى.
قازاقستاننىڭ وڭتۇستىگىندە ەكى بىردەي اكىمدىك قىزمەتكەرى سىبايلاس جەمقورلىق ايىبىمەن كۇدىككە ءىلىندى. شىمكەنت قالاسىنىڭ ءال-فارابي اۋدانى اكىمدىگى كاسىپكەرلىك ءبولىمىنىڭ باسشىسى «ساۋدا جاساۋعا رۇقسات بەرۋ جانە كاسىپكەرلىك قىزمەتكە جالپى قامقورلىق جاساۋ ءۇشىن ازاماتتان جالپى سوماسى 65 مىڭ تەڭگە الدى» دەپ ۇستالىپ, سوتقا دەيىنگى تەرگەۋدى باستالعان.
سونىمەن قاتار، وسى تاقىلەتتەس قىلمىس بويىنشا تۇركىستان وبلىسى جەتىساي اۋدانى قىزىلقۇم سەلولىق وكرۋگىنىڭ اكىمى دە جەكە تۇرعىن ءۇي قۇرىلىسىنا جەر تەلىمىن بەرۋ ءۇشىن 500 مىڭ تەڭگە سوماسىندا پارا الدى دەپ ايىپتالىپ وتىر. سوتقا دەيىنگى تەرگەۋ جالعاسۋدا. كۇدىكتىلەرگە قاتىستى سوڭعى شەشىمدى سوت شىعارادى.
ەستەرىڭىزدە بولسا، وتكەن اپتانىڭ سەنبىسى، 17 قازان ەلورداداعى الماتى اۋدانىنىڭ اكىم ورىنباسارى مەن جاڭاوزەندىك سۋديا پارا العانى ءۇشىن 3 جىلعا باس بوستاندىعىنان ايىرىلىپ، قىلمىستىق ىسكە قاتىسى بار وزگە دە ايىپتالۋشىلارعا جازا تاعايىندالعان بولاتىن.
كۇنبە-كۇن ورشىگەن جەمقورلىقتىڭ «سالدارىمەن كۇرەس» قاشانعى جالعاسپاق؟ سىبايلاس جەمقورلىقتى قابىلداۋ يندەكسى بويىنشا 124-ءشى ورىنعا جايعاسقان قازاقستاندا قازىنا ۇرىلارىنىڭ ۇلكەنى شالقىپ، ۇساعى وڭاي تۇتىلىپ ءجۇر.
«ايران ىشكەنى قۇتىلىپ، شەلەك جالاعانى تۇتىلا قوياتىن» سىبايلاس جەمقورلىقپەن كۇرەس ساياساتىنىڭ كۋرس-باعدارىن وزگەرتۋگە اقجاعالىلاردىڭ باتىلى بارا قويار ما ەكەن؟
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى