ماڭگىلىك ەل جىر فەستيۆالى

ەگەمەندىك ءسوزىنىڭ سىڭارى بولىپ سانالاتىن ازاتتىق يدەياسى حالىق اۋىز ادەبيەتىندەگى باستى تاقىرىپ، ءارى تۇلپار ءمىنىپ، تۋ العان بابالارىمىزدىڭ اڭسارى بولعان سول جاۋحازىن جىرلار ەسكى ءداۋىر مەن بۇگىنگى كۇننىڭ اراسىنداعى التىن ارقاۋ ەكەنىن; قازاق حالقىنىڭ ازات مەملەكەت بولۋى جولىندا كۇرەسكەن بابالار سول ۇلى يدەيانىڭ بۇگىنگى يدەولوگيالىق قۇرالعا اينالعانىن كورۋدى ارمانداعانىن، الەم تانىعان قازاقستاننىڭ جاسامپازدىق جولىن; الابايراق تۋ العان جىرشىلاردىڭ ءسوزى حالىقتىڭ جادىندا، ونىڭ اسىل رۋحىمەن ەگىز ەكەندىگىن تانىتا بىلگەن ماڭگىلىك ەل جىر فەستيۆالى ءوز مارەسىنە جەتتى. 

جىر فەستيۆالىنىڭ كوتەرگەن يدەياسى مەن ونىڭ يدەولوگيالىق ءمانى، ەل بىرلىگى، ۇلى جىراۋلار اڭساعان ازاتتىق ءسوزىنىڭ قادىرى، سول باعىتتاعى بولاشاق باعدار بەرۋ بولىپ وتىر.

ەلىمىزدىڭ بارلىق وڭىرىنەن اتا جۇرتتىڭ اسىل مۇراسى - جىرلارىمىز بەن تەرمەلەرىمىزدى الا كەلگەن ونەرپازدار الاتاۋ مادەنيەت ۇيىنە جينالعان حالىقتى ۇلىستىڭ ۇلى كۇنى - ناۋرىز مەرەكەسىنە وراي ءتول ونەرىمىزدىڭ مارجاندارىمەن سۋسىنداتتى.

"تۇلپار ءمىنىپ، تۋ العان"   جانە "اتىمدى ادام قويعان سوڭ" دەپ اتالاتىن ەكى بولىمنەن تۇرعان جىر كەشى - ءتول مادەنيەتىمىزدىڭ جاڭعىرۋى مەن جاندانۋىنا ءوزىنىڭ سۇبەلى ۇلەسىن تيگىزە الدى دەگەن سەنىمدەمىز.

“The Qazaq Times”