بۇگىن «بيلىكشىل» بلوگەر وركەن كەنجەبەك ءوزىنىڭ «ساياسي-قوعامدىق پىكىرىنىڭ ءبىرازىن قالىپتاسىپ-جەتىلۋىنە» سەپ بولعان، «ءار ايدا كەمى ءبىر رەت ەكى شاۋگىم شاي تاۋىسىساتىن» ەرلان قاريننىڭ Youtube جەلىسىندە قىزمەتىنە قاتىستى ارنا اشۋىنا بايلانىستى «مەن 999-شى بولىپ جازىلدىم. كىم 1000-شى بولىپ جازىلادى، سونىڭ باسىنا مەملەكەتشىلدىك سانا بۇيىرسىن» دەگەن جازبا جاريالادى. «سولاي ما، اعامىزدىڭ ەڭ ءبىرىنشى حەيتەرى» دەپ اتاعان بلوگەردىڭ قاراتپا سوزىنە زايىرلى كوزقاراسى مەن ازاماتتىق ۇستانىمى ايقىن بەلگىلى جۋرناليست دارحان ومىربەك جاۋاپ جازباسىن جازدى. ۆيرتۋالدى ديسكۋرستىڭ قالاي جالعاسارى ازىرگە بەلگىسىز.
دارحان ومىربەكتىڭ رەپليكالىق جاۋابى:
«ورەكە، ماسەلە مەندە ەمەس قوي.
ادامنىڭ تانىمالدىعى، قۇزىرەتى وسكەن سايىن ونىڭ ءاربىر سوزىنە مايشاممەن قاراعان ابزال.
قوعام الدىندا سانالى تۇردە شىققان ادام وعان دايىن بولۋ كەرەك.
وسى كۇندەرى مارعۇلان سەيسەمباەۆتىڭ ايتقاندارى كوڭىلىمە قونىپ ءجۇر. الايدا ول كىسى قالاي ەل تاعدىرىن انىقتايتىن بيلىككە يە بولادى، مەن سول ساتتەن باستاپ ونىڭ سوزدەرىن كۇدىك ءفيلترى ارقىلى قابىلدايمىن.
مەن قۇرمەتتەيتىن دىنمۇحامەد قوناەۆ بۇگىن ەل باسقارسا، ءدال وسىنى جاسايمىن.
بيلىك تابيعاتىنا زۇلىم نارسە، ابسوليۋت بيلىك ابسوليۋت زۇلىمدىققا اكەلۋى مۇمكىن. سول ءۇشىن ءاربىر شەشىم، ءاربىر وي اشىق قوعامدىق تالقىدان، زەردەلەۋدەن ءوتۋ كەرەك.
ادام وزىنە قارسى سىن ايتقانداردىڭ ءبارىن حەيتەر دەي بەرسە، ماسەلە سىن ايتۋشىلاردا ەمەس، سول ادامنىڭ وزىندە دەپ سەنەمىن.
ءسىز بەيرەسمي كەڭەس بەرەتىن كەڭەسشى پىكىرىم ءۇشىن جاۋ ساناسا، جەك كورسە، «تۇنشىقتىرۋعا» تىرىسسا، ونداي ادامدى بيلىككە ءتىپتى جولاتۋعا بولمايدى.
جاقسى ىستەرى بار بولار، بىراق ونىسىن ايتۋعا ۇيالىپ جۇرگەن ادامدى كورمەدىم. ءوزى ايتادى، بەيرەسمي كەڭەسشىسى مەن ونىڭ دوستارى جانە بار دەگەندەي.
ال ەندى ماقالاسىنا كەلەر بولساق.
وتە اۋىر تىلدە جازىلعان. لوگيكالىق بايلانىس ناشار. بىراق مەسسەدجى انىق - مەملەكەتشىلدىك.
زارينا احماتوۆاعا بەرگەن سۇقباتىندا بىلاي دەگەن ەكەن:
«كوگدا منە گوۆوريات: «ۆوت ۆ ۋكراينە يلي گرۋزي – تاك ي تاك»، يا سچيتايۋ، چتو، ەسلي ۆمەستە س تەم ەليتا ۋستۋپاەت ي جەرتۆۋەت كاكيە-تو گوسۋدارستۆەننىە پرينتسيپى – مونوليتنوست وبششەستۆا، تەرريتوريالنايا تسەلوستنوست، لۋچشە ۋج پو منە بىت ستوروننيكوم اۆتوريتارنوستي».
ءاۆتوريتاريزمدى ۋكرايناداعى نەمەسە گرۋزياداعى جاعدايمەن اقتاۋعا بولمايدى. ول ەلدەردەگى جاعدايدىڭ الدىن اۆتوريتاريزمگە سۇيەنبەي-اق الۋعا بولادى.
ءدال سول سۇقباتتا ەرلان تىنىمبايۇلى: «مى جە نا سوبىتيا ۆ سترانە سموتريم يز ۆنۋترەننەگو كونتەكستا، ا ەست ەششە ۆنەشني... يا سچيتايۋ، چتو پروتسەسس دولجەن يدتي س ۋچەتوم ۆنۋترەننيح زاپروسوۆ، ۆ پەرۆۋيۋ وچەرەد، نو ۆ تو جە ۆرەميا دولجەن يسحوديت يز گلاۆنوگو پرينتسيپا ي تسەلي – چتوبى نە نانەستي ۋششەربا ۋستويچيۆوستي گوسۋدارستۆا. ينوگدا نادو دەيستۆوۆات چەتكو، ي بەز دۆۋسمىسلەننوستي، يسحوديا يز ۆىسشيح ينتەرەسوۆ» دەگەن ەكەن.
مەملەكەتشىلدىك، سىرتقى جاۋ، مەملەكەت تۇراقتىلىعى، جوعارى مۇددە – بۇل كاتەگوريالارعا سۇيەنۋدە اباي بولۋ كەرەك.
سەبەبى كەڭەس بيلىگى قازاق حالقىنا قاسىرەت اكەلەردە دە وسى ريتوريكانى پايدالاندى.
بۇل مەملەكەتشىلدىك اشارشىلىقتى اقتايدى، بۇل مەملەكەتشىلدىك 1937-1938 جىلدارداعى رەپرەسسيانى اقتايدى.
بۇل مەملەكەتشىلدىك قازاق جەرىندە 456 يادرولىق بومبا جارۋدى اقتايدى.
بۇل مەملەكەتشىلدىك تاۋەلسىز باسىلىمدى جاۋىپ، جۋرناليستەردى قۋدالاۋدى اقتايدى.
بۇل مەملەكەتشىلدىك التىنبەك سارسەنباەۆ پەن زامانبەك نۇرقادىلوۆتىڭ ءولىمىن اقتايدى.
بۇل مەملەكەتشىلىك جاڭاوزەندەگى حالىققا وق اتۋدى اقتايدى.
بۇل ويدى ايتۋ كاريندى «جەك كورۋدى» بىلدىرمەۋ كەرەك. بۇل جاي عانا ادامداردا وسىنداي كوزقاراس بار ەكەنىن بىلدىرەدى. كەلىسۋ-كەلىسپەۋ ءوز شارۋاسى. جازۋ، ويىمدى ءبىلدىرۋ – مەنىڭ شارۋام.
ءاربىر ءسوزى اقيقات، سىناۋعا قاقىڭ جوق دەسەڭىز، وعان كەلىسە قويماسپىن».
P.S.: مۇندايدا زاڭعار جازۋشى م.اۋەزوۆتىڭ "وقىعان ازامات" اڭگىمەسى ويعا ورالادى. دەموكراتيالىق قۇندىلىقتار پەن ادام قۇقىقتارىنا قۇرمەتپەن قارايتىن كوزىقاراقتى وقىرمان دارحان ومىربەكتىڭ سالاماتتى پايىمىنان قازاقتىڭ داۋىرلەر بويى قايرالعان ازاتتىق رۋحىن جازباي تانيتىنى ءسوزسىز.
بيلىكشىل بلوگەر وركەن كەنجەبەكتىڭ جازباسى. 18 قازان 2019 جىل. فوتو: ءو.كەنجەبەكتىڭ facebook پاراقشاسىنان سكرينشوت-قيىندى
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟