دانيانىڭ بالالار ىستەرى جانە ءبىلىم ءمينيسترى پەرنيللە روزەنكرانتتس-تايل الەۋمەتتىك جەلىلەردە تانىمال بلوگەرلەردىڭ جازبالارىن رەتتەۋدى ۇسىندى، – دەپ حابارلايدى ۆۆس.
جاقىندا دانيادا 336 مىڭ وقىرمانى بار تانىمال بلوگەر فيە لاۋرسەن ءوزىنىڭ «Instagram» پاراقشاسىندا سۋيتسيد تۋرالى جازبا قالدىرعاننان كەيىن، ەل بيلىگى وسىنداي شەشىمگە كەلدى. پەرنيللە روزەنكرانتتس-تايل Twitter پاراقشاسىندا: «ءبىز الەۋمەتتىك جەلىلەردەگى بالالارىمىز بەن جاستاردىڭ، جالپى بارلىعىنىڭ قاۋىپسىزدىگىن قامتاماسىز ەتۋىمىز كەرەك. سول ءۇشىن ءبىز باق ەتيكاسى الەۋمەتتىك جەلىلەردەگى ءىرى پروفيل يەلەرىنە دە قاتىستى بولۋىنا ۇمتىلۋىمىز كەرەك. ال پاراقشا يەلەرىنە رەداكتورلىق جاۋاپكەرشىلىك ارتىلۋى ءتيىس. ادامداردىڭ الەۋمەتتىك جەلىلەردەگى وقىرمان سانى بەلگىلى ءبىر دەڭگەيگە جەتكەن كەزدە ولاردىڭ جاۋاپكەرشىلىكتەرى گازەتتىڭ رەداكتورى نەمەسە ءداستۇرلى باق وكىلدەرىمەن بىردەي بولۋى كەرەك»، – دەدى.
ءوز-وزىنە قول جۇمساۋ جايلى جازعان لاۋرسەننىڭ جازباسىنا 30 مىڭنان استام ادام لايك باسىپ، 8 مىڭنان استام ادام پىكىر قالدىرعان. كەيىننەن بلوگەردىڭ وتباسى اتالعان جازبانى ءوشىرىپ، ونىڭ جاعدايى تۇراقتى، قازىر اۋرۋحانادا ەكەندىگىن جەتكىزدى. دانيا ۇكىمەتى بلوگەرلەرگە قاتىستى ۇسىنىستى ماقۇلداسا، وقىرماندار سانى كوپ تانىمال ادامداردىڭ پروفيلدەرىن بىرنەشە ادمينيستراتورلار قاداعالايتىن بولادى. ەگەر بلوگەر ەرەجەنى بۇزسا، ونىڭ جازباسى وشىرىلەدى. ءتىپتى، زاڭ الدىندا جاۋاپ بەرۋى دە مۇمكىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى