Bügin «bilikşil» bloger Örken Kenjebek öziniñ «sayasi-qoğamdıq pikiriniñ birazın qalıptasıp-jetiluine» sep bolğan,   «är ayda kemi bir ret eki şäugim şay tauısısatın» Erlan Qarinniñ Youtube jelisinde qızmetine qatıstı arna aşuına baylanıstı «Men 999-şı bolıp jazıldım. Kim 1000-şı bolıp jazıladı, sonıñ basına memleketşildik sana bwyırsın» degen jazba jariyaladı. «Solay ma, ağamızdıñ eñ birinşi heyteri» dep atağan blogerdiñ qaratpa sözine zayırlı közqarası men azamattıq wstanımı ayqın belgili jurnalist Darhan Ömirbek jauap jazbasın jazdı. Virtualdı diskurstıñ qalay jalğasarı äzirge belgisiz.

Darhan Ömirbektiñ replikalıq jauabı:

«Öreke, mäsele mende emes qoy.

Adamnıñ tanımaldığı, qwzıreti ösken sayın onıñ ärbir sözine mayşammen qarağan abzal.

Qoğam aldında sanalı türde şıqqan adam oğan dayın bolu kerek.

Osı künderi Marğwlan Seysembaevtıñ aytqandarı köñilime qonıp jür. Alayda ol kisi qalay el tağdırın anıqtaytın bilikke ie boladı, men sol sätten bastap onıñ sözderin küdik fil'tri arqılı qabıldaymın.

Men qwrmetteytin Dinmwhamed Qonaev bügin el basqarsa, däl osını jasaymın.

Bilik tabiğatına zwlım närse, absolyut bilik absolyut zwlımdıqqa äkelui mümkin. Sol üşin ärbir şeşim, ärbir oy aşıq qoğamdıq talqıdan, zerdeleuden ötu kerek.

Adam özine qarsı sın aytqandardıñ bärin heyter dey berse, mäsele sın aytuşılarda emes, sol adamnıñ özinde dep senemin.

Siz beyresmi keñes beretin keñesşi pikirim üşin jau sanasa, jek körse, «twnşıqtıruğa» tırıssa, onday adamdı bilikke tipti jolatuğa bolmaydı.

Jaqsı isteri bar bolar, biraq onısın aytuğa wyalıp jürgen adamdı körmedim. Özi aytadı, beyresmi keñesşisi men onıñ dostarı jäne bar degendey.

Al endi maqalasına keler bolsaq.

Öte auır tilde jazılğan. Logikalıq baylanıs naşar. Biraq messedji anıq - memleketşildik.

Zarina Ahmatovağa bergen swqbatında bılay degen eken:

«Kogda mne govoryat: «Vot v Ukraine ili Gruzii – tak i tak», ya sçitayu, çto, esli vmeste s tem elita ustupaet i jertvuet kakie-to gosudarstvennıe principı – monolitnost' obşestva, territorial'naya celostnost', luçşe uj po mne bıt' storonnikom avtoritarnosti».

Avtoritarizmdi Ukrainadağı nemese Gruziyadağı jağdaymen aqtauğa bolmaydı. Ol elderdegi jağdaydıñ aldın avtoritarizmge süyenbey-aq aluğa boladı.

Däl sol swqbatta Erlan Tınımbaywlı: «Mı je na sobıtiya v strane smotrim iz vnutrennego konteksta, a est' eşe vneşniy... YA sçitayu, çto process doljen idti s uçetom vnutrennih zaprosov, v pervuyu oçered', no v to je vremya doljen ishodit' iz glavnogo principa i celi – çtobı ne nanesti uşerba ustoyçivosti gosudarstva. Inogda nado deystvovat' çetko, i bez dvusmıslennosti, ishodya iz vısşih interesov» degen eken.

Memleketşildik, sırtqı jau, memleket twraqtılığı, joğarı müdde – bwl kategoriyalarğa süyenude abay bolu kerek.

Sebebi Keñes biligi qazaq halqına qasiret äkelerde de osı ritorikanı paydalandı.

Bwl memleketşildik aşarşılıqtı aqtaydı, bwl memleketşildik 1937-1938 jıldardağı repressiyanı aqtaydı.

Bwl memleketşildik qazaq jerinde 456 yadrolıq bomba jarudı aqtaydı.

Bwl memleketşildik täuelsiz basılımdı jauıp, jurnalisterdi qudalaudı aqtaydı.

Bwl memleketşildik Altınbek Särsenbaev pen Zamanbek Nwrqadilovtıñ ölimin aqtaydı.

Bwl memleketşilik Jañaözendegi halıqqa oq atudı aqtaydı.

Bwl oydı aytu Karindi «jek körudi» bildirmeu kerek. Bwl jay ğana adamdarda osınday közqaras bar ekenin bildiredi. Kelisu-kelispeu öz şaruası. Jazu, oyımdı bildiru – meniñ şaruam.

Ärbir sözi aqiqat, sınauğa qaqıñ joq deseñiz, oğan kelise qoymaspın».

P.S.: Mwndayda zañğar jazuşı M.Äuezovtiñ "Oqığan azamat" äñgimesi oyğa oraladı. Demokratiyalıq qwndılıqtar pen adam qwqıqtarına qwrmetpen qaraytın köziqaraqtı oqırman Darhan Ömirbektiñ salamattı payımınan qazaqtıñ däuirler boyı qayralğan azattıq ruhın jazbay tanitını sözsiz.

Bilikşil bloger Örken Kenjebektiñ jazbası. 18 qazan 2019 jıl. Foto: Ö.Kenjebektiñ facebook paraqşasınan skrinşot-qiındı

"The Qazaq Times"