21 تامىز كۇنى وتكەن Nur Otan پارتياسىنىڭ ساياسي كەڭەسى بيۋروسىنىڭ وتىرىسىندا ەكس-پرەزيدەنت كوپبالالى ايەلدەر مەن ورالماندارعا قاتىستى «كەڭەس» بەرىپ، قوعامنىڭ سىنىنا ۇشىراعان ەدى. سول جيىندا ن.نازارباەۆ بىرنەشە شەنەۋنىكتى ماقتاپ، ريزاشىلىعىن بىلدىرگەن بولاتىن.
پارتيا ليدەرىنىڭ «مەنىڭشە، ورىن الىپ وتىرعان پروبلەما جايىندا ۇندەمەي قالۋ – جۇمىستىڭ ەڭ ناشار نۇسقاسى. ادامداردان تىعىلماي ءمان-جايدى انىقتاپ، جاۋاپكەرشىلىكتى مويىنعا الۋ كەرەك. بىزدە حالىققا شىعىپ، بۇل سۇراقتارعا جاۋاپ بەرۋدەن قورىقپايتىن، پروبلەمالاردى شەشەتىن اكىمدەر دە، مينيسترلەر دە بار. بەردىبەك ماشبەكۇلى (قر ۇكىمەت باسشىسىنىڭ ورىنباسارى ساپارباەۆ), ۆيتسە-پرەمەر بولىپ تاعايىندالۋىڭمەن قۇتتىقتايمىن. باياعىدان بەرى وسى جەر سەنىڭ ورنىڭ ەدى. ءتورت وبلىستا اكىم بولدىڭ. سونىڭ ءبارىن كوردىڭ. باستاعان كەزدە حالىقتىڭ اراسىندا جۇردىك سول ۋاقىتتا. ەلمەن سويلەسىپ جۇردىك. ايتقانىمىزدى ەل ءتۇسىنىپ ءجۇردى»، – دەگەن باعاسىنا ۇكىمەت باسشىسىنىڭ سۋ جاڭا ورىنباسارى ءوز پىكىرىن ءبىلدىردى. جاڭا قىزمەتكە تاعايىندالعان بەردىبەك ساپارباەۆ وزىنە ايتىلعان ماقتاۋعا قاتىستى:
– البەتتە، كەز كەلگەن ادام ءۇشىن بۇل جاعىمدى. بۇل ءسوز ودان ارى جاقسى جۇمىس جۇرگىزۋ ءۇشىن مەنى جىگەرلەندىرەدى، – دەپ جاۋاپ بەردى ءباسپاسوز بريفينگىندە. سونداي-اق بيلىكتە 42 جىلدىق تاجىريبەسى بار ەكس-مينيستر ساپارباەۆ ءۇشىنشى جۇمىس كۇنىندە-اق تىلشىلەرمەن كەزدەسىپ وتىرعانىن، ءوزىنىڭ وسى ۋاقىتقا دەيىن اشىق بولعانىن ايتىپ، الداعى ۋاقىتتا دا «وزگەرمەيمىن» دەپ ۋادە بەردى.
قر پرەمەر-ءمينيسترىنىڭ ورىنباسارى بەردىبەك ساپارباەۆ. فوتو: kapital.kz
بۇدان بولەك جاس كادرلاردى، اسىرەسە «بولاشاقپەن» ءبىلىم الىپ كەلگەن مامانداردى ايماقتا ءپىسىپ-جەتىلدىرىپ، بيلىككە تارتۋ قاجەتتىگىن ايتقان نازارباەۆ باسقارۋشىلاردىڭ جاڭا بۋىنى قاتارىنان التاي كولگىنوۆتى وڭىردەگى ەڭبەگىن ماقتاپ، كوپكە ۇلگى ەتكەن ەدى. ەل استاناسىن جاز باستالعالى بەرى باسقارىپ كەلە جاتقان جاس اكىم كولگىنوۆ «بولاشاق» باعدارلاماسىنىڭ تۇلەگى، ۇلىبريتانيادا ءبىلىم العان. بۇگىنگى ۇستازداردىڭ تامىز كەڭەسىنەن كەيىن اكىم «مەن مۇنى «اۆانسپەن» ايتىلعان ماقتاۋ دەپ قابىلدادىم. مەن بۇل ءۇمىتتى اقتاۋىم كەرەك. ەڭ باستىسى، ەل باسشىلىعى مەن حالقىمىزدىڭ ماعان ارتقان سەنىمى. مەن ءۇشىن باستى باسىمدىق – وسى»، – دەدى.
ەل استاناسىنىڭ جاڭا اكىمى التاي كولگىنوۆ. فوتو: sputniknews.kz
ءتۇيىن: نە دە بولسا ەكس-پرەزيدەنت سالعان جۇيەدە تاربيەلەنگەن اكىم-قارالار مىنبەدەگى ەكى ءسوزىنىڭ ءبىرىن «ەلباسى تاپسىرماسى بويىنشا» دەپ باستايتىنى قادىمعى ءداستۇر. ارىس وقيعاسىنان سوڭ مينيسترلەر مەن اكىمدەر تۇگەل جۇباتۋ-ءتۇسىندىرۋ سوزدەرىن حالىقتان ەمەس، توقاەۆتان ەمەس، «ەلباسى ايتقانداي» دەپ كوسىلگەن ەدى. شىن مانىندە مۇنىڭ ءبارى ەل الدىندا انىق كورىنىپ تۇرادى. وسىنى ەسكەرسە ەكەن، شەندىلەر. ماقتاۋ ەستىگەن جاقسى، لايىق بولسا. ەڭبەكتىڭ ەلەنگەنىنە نە جەتسىن. بىراق حالىقتىڭ العىسى، ءبىر اتى بولعان قۇدايدىڭ «ريزاشىلىعى» بولسا كەرەك-ءتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟