شەتەلدە تاجىكستاندىق ونداعان مەملەكەتتىك ورگانداردىڭ سايتى جۇمىس ىستەمەي تۇر.

19 مامىردا قاتاڭ رەجيمدەگى ۆاحدات كولونياسىنداعى تارتىپسىزدىكتەن سوڭ، تاجىكستاندا بىرنەشە سايتتار بۇعاتتالدى. بۇدان سوڭ، بىرنەشە مەملەكەتتىك ورگانداردىڭ سايتتارى دا ەلدەن تىس جەرلەردە ىستەن شىقتى. اتاپ ايتقاندا، ءىىم،  كەدەن كوميتەتى، باس پروكۋراتۋرا، سوت، ءدىن كوميتەتى، مادەنيەت مينيسترلىگى، ءبىلىم مينيسترلىگى، عىلىم اكادەمياسى سىندى سايتتارعا كىرۋ مۇمكىن بولماي قالدى. اتالعان سايتتار ءتىپتى VPN ارقىلى دا اشىلمايدى.

جەلى قولدانۋشىلارىنىڭ ايتۋىنشا، ءبىر اپتادان بەرى مەملەكەتتىك ۆەدومستۆولار مەن مينيسترلىكتەردىڭ سايتتارىنا كىرۋ مۇمكىن ەمەس. ياعني، 20 مامىردان باستاپ تاجىكستان بيلىگى Google قىزمەتتەرىن، YouTube, Facebook, Twitter, "سىنىپتاستار", Instagram سەكىلدى الەۋمەتتىك جەلىلەر مەن جاڭالىقتار سايتتارىن بۇعاتتادى. سالدارىنان مەملەكەتتىك ۆەدومستۆولار مەن مينيسترلىكتەردىڭ سايتتارى دا ىستەمەي قالعان.

جالپى، تاجىكستاندا دا قازاقستانداعى سەكىلدى ەلدە بولىپ جاتقان وقيعالار تۋرالى، اسىرەسە قوعامدا رەزونانس تۋدىرۋى مۇمكىن اقپاراتتاردى شەكتەۋ ماقساتىندا ءارتۇرلى اقپاراتتىق رەسۋرستار، الەۋمەتتىك جەلىلەر ءجيى بۇعاتتالادى. ماسەلەن، مامىر ايىنىڭ باسىندا ەلدە الەۋمەتتىك جەلىلەر مەن جاڭالىقتار سايتتارى بۇعاتتالىپ، ينتەرنەت جەلىسىنىڭ ساپاسى ناشارلادى. سونداي-اق، بۇعان دەيىن تاجىكستان مونوپولياعا قارسى قىزمەتى ءموبيلدى ينتەرنەت باعاسىنىڭ كوتەرىلەتىنىن حابارلاعان ەدى. الايدا، حالىقتىڭ اشىق نارازىلىقتارىنان سوڭ ەل پرەزيدەنتى ەمومالي راحمون جوباعا قول قويعان جوق.

ال، ەقىۇ جانە "شەكاراسىز رەپورتەرلەر" سەكىلدى حالىقارالىق ۇيىمدار تاجىكستان بيلىگىن ينتەرنەت-رەسۋرستاردى بۇعاتتاۋدان باس تارتۋعا شاقىردى.

"The Qazaq Times"