قازاقستان مەن يران الداعى ۋاقىتتا ءوزارا ارىپتەستىككە جاڭا فورمات ەنگىزبەك.

ناقتى قاي سالانىڭ باسىمدىققا يە بولاتىنى ماۋسىمدا قازاقستاندىق دەلەگاتسيانىڭ فارس پروۆينتسياسىنا ساپارى كەزىندە انىقتالادى. جوسپار بويىنشا، ءبرىنشى كەزەكتە تۋريزم، مەديتسينا جانە اۋىلشارۋاشىلىق باعىتى قاراستىرىلماق. قازاقستان يراننىڭ فارس پروۆينتسياسىمەن ارىپتەستى نىعايتۋدى قولعا الماق. ال يران تاراپى قازاقستاننان ارپا، بيداي، قوي ەتىن الۋعا نيەتتى. وسى رەتتە ەكونوميكالىق شولۋشى حاميدرەزا تاحماسبي: «فارس پروۆينتسياسىنىڭ ورتالىعى شيراز قالاسى – تۋريستىك سالادا پاسارگاد، پەرسەپوليس سياقتى مىڭجىلدىق تاريحىمەن، قوناقجايلىلىعىمەن تانىلعان الەمنىڭ ەڭ ءىرى قالالارىنىڭ ءبىرى. بۇل قازاقستاندىق تۋريستەر ءۇشىن ءسوزسىز قىزىقتى بولادى. شيرازدىڭ قولايلى اۋا رايى مەن كورىكتى قالا ايماعى – بۇلار ءتۋريزمنىڭ تەك ءبىر ءتۇرى. يراندا مۇنىمەن قاتار مەديتسينالىق تۋريزم دە تانىمال»، – دەيدى.

ەكىنشى باعىت – كولىك قاتىناسى. سولتۇستىك پەن وڭتۇستىكتى بايلانىستىراتىن شويىن جولدىڭ كومەگىمەن قازاقستان ءوز ءونىمىن پارسى شىعاناعىنداعى ايماقتارعا يمپورتتاماق. يراندىق ەكونوميست نادجموددين احماند: «جالپى العاندا، قازاقستانعا فارس پروۆينتسياسىمەن مەديتسينا سياقتى، عىلىمي-ينجەنەرلىك سالادا دا ارىپتەستىك ورناتۋ قىزىقتى بولادى. جوعارى بىلىكتى ماماندارمەن، ستۋدەنتتەرمەن تاجىريبە الماسۋ دا ۇتىمدى. ونىڭ ۇستىنە فارس پروۆينتسياسى – ەرتە داۋىردە ادەبيەت استاناسى سانالىپ، قازاقستانعا يمپورتتاۋعا بولاتىن قولونەر بۇيىمدارىمەن اتى شىققان ولكە. يران مەن قازاقستان ءارى پايدالى قازبالار سفەراسىندا دا ارىپتەستىك ورناتۋى ىقتيمال»، – دەپ مالىمدەدى.

"The Qazaq Times"