قازاقستاننىڭ يرانداعى ەلشىسى اسحات ورازباي دۇيسەنبى كۇنى گورگان وبلىسىنىڭ باسشىلارى جانە ساۋدا-ەكونوميكا سالاسىنىڭ جەتەكشىلەرىمەن كەزدەستى. كەزدەسۋ ەكى ەل اراسىنداعى ساۋدا-ەكونوميكالىق، ترانسپورتتىق بايلانىستاردى دامىتۋ ماقساتىندا وتكىزىلگەن.

كەزدەسۋدە قازاقستان مەن يران اراسىنداعى جانە ورتالىق ازيا مەن كاسپي جاعالاۋى ەلدەرىنىڭ قارىم-قاتىناسى باستى تاقىرىپ ەتىلدى. قازاقستان ەلشىسى اسحات ورازباي كەزدەسۋدە قازاقستاننىڭ يرانمەن قارىم-قاتىناستى دامىتۋدى قالايتىنىن، ءارى بۇل ەكى ەلدىڭ مۇددەسى ءۇشىن دە پايدالى ەكەنىن جەتكىزىپ.

گورگان وبلىسى يراننىڭ سولتۇستىگىنە، كاسپي تەڭىزىمەن شەكتەسىپ جاتقان ايماقتارىنىڭ ءبىرى. قازاقستان ۇكىمەتىنىڭ ينۆەستيتسيا تارتۋدا باستى باعىتى وڭىرلەر ارا قارىم-قاتىناستى كوزدە ۇستاۋ ەكەنى ءمالىم. سول نەگىزدە ماڭعىستاۋ وبلىسى مەن يراننىڭ گۇلىستان وبلىسى، اتىراۋ مەن گورنگان وبلىستارى اراسىندا ىنتىماقتاستىق كەلىسىمدەر جاسالدى.

كەزدەسۋدە اسحات ورازباي يراننىڭ قازاقستان عانا ەمەس، تۇتاس ورتالىق ازيا ەلدەرى ءۇشىن تەڭىزگە شىعۋىنا ەڭ ءتيىمدى باعىت ەكەنىن ايتقان.

“The Qazaq Times”