يران تەڭىز كۇشتەرىنە قاراستى "سەپار" زىمىران تاسىمالداۋشى كەمەسى. فوتو: IRNA.

يراننىڭ زىمىران قوندىرعىسى ورناتىلعان اسكەري كەمەلەرى قازاقستاننىڭ كاسپي تەڭىز جاعاسىنا كەلدى. يران تەڭىز كۇشتەرىنىڭ كەشەگى مالىمدەمەسىندە يراننىڭ قارىم-قاتىناستى نىعايتۋ جانە دوستىق-بەيبىتشىلىك جولداۋى رەتىندە اسكەري فلوت كاسپي تەڭىزىنە شەكتەسەتىن ەلدەرگە دوستىق ساپار جاسايتىنى ايتىلعان.

يراننان قازاقستانعا اتتانعان فلوتتىڭ قولباسشىسى مۇحاممد ماھدي احمەدي ساپاردان بۇرىن ءباسپاسوز كونفەرەنتسياسىن وتكىزىپ، قازاقستاننىڭ كاسپي جاعالاۋىنا جاسايتىن ساپارى تۋرالى مالىمەت بەرگەن. مالىمدەمەگە سايكەس، يران تەڭىز كۇشتەرىنىڭ توعىزىنشى فلوتى دوستىق-بەيبىتشىلىك قارىم-قاتىناستى نىعايتۋ ماقساتىندا قازاقستاننىڭ كاسپي جاعالاۋىندا ءۇش كۇن ايالدايدى.

قازاقستانعا اتتانعان اسكەري فلوتتا زىمىران قوندىرعىلى «سەپار» جانە «دجوۋشان» كەمەلەرى بار. يران تەڭىز كۇشتەرىنىڭ توعىزىنشى فلوتى كاسپي تەڭىزىندەگى تەرريتوريانى قورعاۋ مەن تەڭىزدەگى شارلاۋ قىزمەتىن اتقارىپ كەلگەن.   

“The Qazaq Times”