Foto: https://tengrinews.kz

Qazaqstan men Iran aldağı uaqıtta özara äriptestikke jaña format engizbek.

Naqtı qay salanıñ basımdıqqa ie bolatını mausımda qazaqstandıq delegaciyanıñ Fars provinciyasına saparı kezinde anıqtaladı. Jospar boyınşa, brinşi kezekte turizm, medicina jäne auılşaruaşılıq bağıtı qarastırılmaq. Qazaqstan Irannıñ Fars provinciyasımen äriptesti nığaytudı qolğa almaq. Al Iran tarapı Qazaqstannan arpa, biday, qoy etin aluğa nietti. Osı rette ekonomikalıq şoluşı Hamidreza Tahmasbi: «Fars provinciyasınıñ ortalığı Şiraz qalası – turistik salada Pasargad, Persepolis siyaqtı mıñjıldıq tarihımen, qonaqjaylılığımen tanılğan älemniñ eñ iri qalalarınıñ biri. Bwl qazaqstandıq turister üşin sözsiz qızıqtı boladı. Şirazdıñ qolaylı aua rayı men körikti qala aymağı – bwlar turizmniñ tek bir türi. Iranda mwnımen qatar medicinalıq turizm de tanımal», – deydi.

Ekinşi bağıt – kölik qatınası. Soltüstik pen oñtüstikti baylanıstıratın şoyın joldıñ kömegimen Qazaqstan öz önimin Parsı şığanağındağı aymaqtarğa importtamaq. Irandıq ekonomist Nadjmoddin Ahmand: «Jalpı alğanda, Qazaqstanğa Fars provinciyasımen medicina siyaqtı, ğılımi-injenerlik salada da äriptestik ornatu qızıqtı boladı. Joğarı bilikti mamandarmen, studenttermen täjiribe almasu da wtımdı. Onıñ üstine Fars provinciyası – erte däuirde ädebiet astanası sanalıp, Qazaqstanğa importtauğa bolatın qolöner bwyımdarımen atı şıqqan ölke. Iran men Qazaqstan äri paydalı qazbalar sferasında da äriptestik ornatuı ıqtimal», – dep mälimdedi.

"The Qazaq Times"