قازاقستاندا ازىق-تۇلىك باعاسى مەن ەڭ تومەنگى كۇنكورىس دەڭگەيى ارتتى

قازاقستاندا ەڭ تومەنگى كۇنكورىس دەڭگەيى مەن ازىق-تۇلىك باعاسى ارتتى.

قازىرگى ۋاقىتتا قازاقستاننىڭ بەس ايماعىندا كۇنكورىس دەڭگەيى جالپىرەسپۋبليكالىق دەڭگەيدەن اسقان. مالىمەتتەر بويىنشا، ماڭعىستاۋ وبلىسىندا – 23,3%، استانادا – 13,5%، الماتىدا – 11,4%، الماتى وبلىسىندا – 1,6%، شقو-دا – 1,1% شاماسىندا. اقپاندا ەڭ تومەنگى كۇنكورىس دەڭگەيى 27,1 مىڭ تەڭگە بولدى. بۇل بىلتىرعى كۇنكورىس دەڭگەيىمەن سالىستىرعاندا 4,2%-عا كوپ.

2017 جىلى بىرىككەن ۇلتتار ۇيىمىنىڭ ستاندارتى بويىنشا قازاقستاندا كەدەيشىلىك دەڭگەيى 19%-دى قۇراعان. دۇنيەجۇزىلىك بانكتىڭ قازاقستانداعى تۇراقتى وكىلى اتو براۋن: «دامۋشى ەلدەردە كەدەيلەردى انىقتاۋ كورسەتكىشى 1,25 دوللار. بۇل  بىر ادامنىڭ كۇندەلىكتى كىرىسى. وسى تۇرعىدان العاندا قازاقستانداعى كەدەيلىك دەڭگەيى 1%-دان تومەن. دەگەنمەن قازاقستان ءۇشىن كەدەيلىك دەڭگەيى شامامەن 5 دوللارمەن ەسەپتەلەدى (كەدەيلىك دەڭگەيىن انىقتاۋ بويىنشا بۇۇ ۇسىنعان ستاندارتقا سايكەس، ءبىر كۇندىك كۇنكورىس دەڭگەيى). مۇنداي جاعدايدا كورسەتكىش 19%-دى قۇرايدى»، – دەيدى. ساراپشىنىڭ سوزىنشە، كورسەتكىشتىڭ بۇلاي جوعارى بولۋىنا دەۆالۆاتسيا سالدارىنان بولعان تۇراقسىز ساۋدا اسەر ەتكەن.

ەلدە كۇنكورىس دەڭگەيىمەن قاتار ازىق-تۇلىك باعاسى دا ارىپ كەلەدى. ماسەلەن، اقپاندا تاۋارلاردىڭ باعاسى 4,8%-عا دەيىن قىمباتتاعان. ەگەر نارىقتاعى ازىق-تۇلىك باعاسىنىڭ ءبىر ايدىڭ وزىندە سان قۇبىلاتىنىن ەسكەرسەك، 27,1 مىڭ تەڭگەنىڭ جەتكىلىكسىز ەكەنىن اڭعارۋعا بولادى.

"The Qazaq Times"