Qazaqstanda azıq-tülik bağası men eñ tömengi künköris deñgeyi arttı

Qazaqstanda eñ tömengi künköris deñgeyi men azıq-tülik bağası arttı.

Qazirgi uaqıtta Qazaqstannıñ bes aymağında künköris deñgeyi jalpırespublikalıq deñgeyden asqan. Mälimetter boyınşa, Mañğıstau oblısında – 23,3%, Astanada – 13,5%, Almatıda – 11,4%, Almatı oblısında – 1,6%, ŞQO-da – 1,1% şamasında. Aqpanda eñ tömengi künköris deñgeyi 27,1 mıñ teñge boldı. Bwl bıltırğı künköris deñgeyimen salıstırğanda 4,2%-ğa köp.

2017 jılı Birikken wlttar wyımınıñ standartı boyınşa Qazaqstanda kedeyşilik deñgeyi 19%-dı qwrağan. Düniejüzilik banktiñ Qazaqstandağı twraqtı ökili Ato Braun: «Damuşı elderde kedeylerdi anıqtau körsetkişi 1,25 dollar. Bwl  bir adamnıñ kündelikti kirisi. Osı twrğıdan alğanda Qazaqstandağı kedeylik deñgeyi 1%-dan tömen. Degenmen Qazaqstan üşin kedeylik deñgeyi şamamen 5 dollarmen esepteledi (kedeylik deñgeyin anıqtau boyınşa BWW wsınğan standartqa säykes, bir kündik künköris deñgeyi). Mwnday jağdayda körsetkiş 19%-dı qwraydı», – deydi. Sarapşınıñ sözinşe, körsetkiştiñ bwlay joğarı boluına deval'vaciya saldarınan bolğan twraqsız sauda äser etken.

Elde künköris deñgeyimen qatar azıq-tülik bağası da arıp keledi. Mäselen, aqpanda tauarlardıñ bağası 4,8%-ğa deyin qımbattağan. Eger narıqtağı azıq-tülik bağasınıñ bir aydıñ özinde san qwbılatının eskersek, 27,1 mıñ teñgeniñ jetkiliksiz ekenin añğaruğa boladı.

"The Qazaq Times"