فوتو: روسبالت

ۇلىبريتانياداعى نورتۋمبري ۋنيۆەرسيتەتىنىڭ عالىمدارى 10 جىلدان كەيىن جەر بەتىندە عالامدىق سالقىنداۋ بولادى دەگەن بولجام جاسادى.  ولار مۇنى  كۇندە بولاتىن ماتەماتيكالىق پروتسەستەردىڭ نەگىزىندە انىقتاعان. بۇل تۋرالى rosbalt.ru حابارلايدى.

جەر بەتىنىڭ كۇر سۋى، شامامەن، 2022 جىلدارى باستالادى. زەرتتەۋشىلەردىڭ ايتۋىنشا، مۇنداي سۋىنۋ XVII عاسىرلاردا بولعان.

جەر بەتىندەگى جىلۋدى ءبولۋشى رەتىندەگى باستى رەتتەۋشى – كۇن  ساۋلەسى. وسىدان بىرنەشە جىل بۇرىن پلانەتامىز بەن كۇننىڭ اراسى قاتتى جاقىنداپ كەتكەندىكتەن عالامدىق جىلىنۋعا اكەپ سوققان. ال ەندى، عالىمدار بۇل ارا قاشىقتىقتىڭ الىستاپ بارا جاتقاندىعىن جانە مۇنىڭ عالامدىق سۋعا اپاراتىندىعىن جەتكىزىپ وتىر.

ياعني، XVII  عاسىردىڭ باسىندا ەۋروپادا بولعانداي، 10 جىلدان كەيىن جەر بەتىندەگى تىرشىلىك يەلەرى ءۇشىن عالامدىق سۋىنۋ باستالادى.

بۇعان دەيىن امەريكالىق استروفيزيكتەر جەردەگى بۇكىل تىرشىلىك يەلەرى 30 جىلدان كەيىن جويىلادى دەگەن بولاتىن. زەرتتەۋشى عالىمدار وسى دەرەكتى دە  كۇننىڭ بەلسەندىلىگىمەن بايلانىستىرىپ وتىر.

سونىمەن قاتار، بۇل دەرەكتەردى ەسەپتەمەگەن كۇننىڭ وزىندە، باتىس ەلدەرىندەگى بارلىق عالىم-زەرتتەۋشىلەر 2075 جىلعا قاراي يادرولىق سوعىستان، پاندەميادان، روبوتتاردىڭ شەكتەن تىس كوبەيۋىنەن, استەرويدتىڭ قۇلاۋىنان جانە جانارتاۋدىڭ اتقىلاۋىنان تىرشىلىك جويىلادى دەپ ەسەپتەيدى. ەستەرىڭىزگە سالا كەتەيىك، وسىدان ەرتەرەكتە الەمگە تانىمال فيزيك  ستيۆەن حوكينگتىڭ، "اقىرزامان الداعى مىڭجىلدىقتا بولادى" دەگەن بولجامىن ايتقان بولاتىن

«The Qazaq Times»