اقش-تىڭ ءۇندى-تىنىق مۇحيت اسكەري قولباسشىلىق باس شتابى مالىمدەمە تاراتىپ، اقش پەن ءۇندىستاننىڭ اۋە كۇشتەرى الداعى دۇيسەنبىدەن باستاپ ۇندىستانداعى كالەكۋندا جانە اردجۋن سينگح قاتاردى ەكى اۋە بازاسىندا 10 كۇندىك بىرلەسكەن اسكەري وقۋ-جاتتىعۋىن وتكىزەتىنىن حابارلادى.

«ءۇندىستان كووپەراتيۆى-2019» دەپ اتالاتىن بىرلەسكەن اسكەري وقۋ-جاتتىعۋ 2004 جىلى باستالعان بولاتىن. بۇل اقش قورعانىس كۇشتەرى 15 سوعىس ۇشاعى مەن 200-دەن استام اسكەري قىزمەتكەردى دايىنداپ وتىر.

اقش ءۇندى-تىنىق مۇحيت اسكەري قولباسشىلىق باس شتابىنىڭ مالىمدەمەسىندە جاتتىعۋدىڭ ماقساتى: «ەكى ەل اۋە كۇشتەرىنىڭ مۇمكىندىكتەرىن كەڭەيتۋ،  سونداي-اق، ەكى ارميا اراسىنداعى ىنتىماقتاستىقتى تەرەڭدەتۋ. سول ارقىلى ءۇندى مۇحيتىنداعى قاۋىپسىزدىك پەن تۇراقتىلىققا كەپىلدىك ەتۋ»، – دەپ تۇسىندىرگەن.

سوڭعى جىلدارى، قىتايدىڭ تىنىق مۇحيتى مەن ءۇندى مۇحيتىنداعى بەلسەندىلىگىنىڭ ارتۋىنا بايلانىستى اقش ءوزىنىڭ وسى وڭىردەگى ستراتەگياسىن وزگەرتتى. ايتالىق، وسىعان دەيىن ءۇندى جانە تىنىق مۇحيتىنداعى ەكى بولەك اسكەري قولباسشىلىق باس شتابتارىن باسقارۋدى بىرىكتىرىپ، و «ءۇندى-تىنىق مۇحيت قولباسشىلىق باس شتابى» ەتىپ قۇردى. سونداي-اق، وڭتۇستىك قىتاي تەڭىزىنە شەكتەسەتىن ەلدەرمەن، تىنىق مۇحيتىنداعى ارال ەلدەرىمەن، ۇندىستانمەن بولعان اسكەري ىنتىماقتاستىقتى بارىنشا كەڭەيتتى.

بۇل ستراتەگيا قىتايدىڭ ەكى الىپ مۇحيتتاعى تىنىسىن بارعان سايىن تارىلتا تۇسپەك. بۇل ارينە ءوز كەزەگىندە مۇحيتتان الىس جاتقان ورتالىق ازياعا دا ءوز اسەرىن تيگىزەدى. سەبەبى، مۇحيتتا جولى كەسىلگەن قىتاي تارابى قۇرلىق ارقىلى ىقپال كولەمىن ارتتىرۋعا تىرىسادى. بۇل ورتالىق ازيا ەلدەرىنىڭ قىتايمەن بولعان جاڭا قارىم-قاتىناسىن ءتۇزىپ شىعۋى بەك مۇمكىن. سوندىقتاندا، بۇل وزگەرىستەردى قازىردەن ءجىتى باقىلاۋعا تۋرا كەلەدى.

“The Qazaq Times”