رەسەيلىك باق: رەسەيلىك زاڭدار اسىعىستىقپەن قابىلدانادى

دەپۋتاتتارعا زاڭدى قابىلداۋعا ۋاقىت جەتپەيدى.

«ۆەدوموستي» جانە ربك: «جىلدامدىقتى تەجەۋ»

«ۆەدوموستي» گازەتىنىڭ رەداكتسيالىق شولۋى مەن ربك مالىمەتتەرى مەملەكەتتىك دۋما قابىلدايتىن زاڭدار ساپاسىنا ارنالعان. باسىلىمدار «گارانت» كومپانياسىنىڭ وسى تاقىرىپتاعى زەرتتەۋلەرى جايلى ايتادى، ياعني ولار 1994-2016 جىلدار ارالىعىنداعى رەسەيلىك زاڭدار كورپۋسىنىڭ جۇمىسىنا ارنالعان ستاتيستيكانى زەرتتەدى. زەرتتەۋلەر الەكسەي كۋدريننىڭ ستراتەگيالىق دايىنداۋلار ورتالىعىنىڭ تاپسىرىسى بويىنشا جۇرگىزىلدى.

22 جىل ىشىندە رەسەي پارلامەنتى 6700-دەن استام فەدەرالدى زاڭ قابىلدادى دەپ جازادى «ۆەدوموستي». ونىڭ 600-گە جۋىعى سوڭىندا الىنىپ تاستالعان. ال ءار  ءتورتىنشى زاڭ الدىندا قابىلدانعان زاڭعا ەنگىزىلگەن وزگەرىس رەتىندە قابىلدانعان.

«زاڭداردى دايىنداۋ مەن قابىلداۋداعى اسىعىستىق پەن جۇيەسىزدىك رەسەي زاڭناماسىنىڭ ساپاسى مەن ازاماتتاردىڭ قۇقىقتىق تارتىبىنە كەرى اسەرىن تيگىزۋدە» - دەپ قورىتىندىلايدى گازەت.

دەگەنمەن، ساياساتكەر ەكاتەرينا شۋلماننىڭ ويىنشا، زاڭداردىڭ ساپاسىن ارتتىرۋدىڭ نەگىزگى ءتاسىلى-بۇل ساياسي باسەكەلەستىك: ىنتىماقتاستىق بولماعان جەردە داۋلاسۋ مەن كەلىسۋ قاجەتتىلىگى تۋىندايدى، كوپشىلىك تالقىلاۋى مەن ساراپشىلاردى جۇمىلدىرۋ كەرەك بولادى. ناتيجەسىندە زاڭ باسەڭ قارقىنمەن قاراستىرىلادى، قورىتىندىسىندا ول ماعىنالى، جاقسى تالقىلانىپ، ساراپتاۋدان وتكەن زاڭ بولىپ شىعادى دەپ سانايدى شۋلمان.

رەسەي فەدەراتسياسىنا جقتب جۇقتىرعان شەتەلدىكتەردى كىرگىزۋگە رۇقسات بەرۋى مۇمكىن.

«كوممەرسانت»: جقتب جۇقتىرعاندارعا ەلگە كىرۋگە رۇقسات بەرىلدى مە؟

«كوممەرسانت» گازەتىنىڭ مالىمەتى بويىنشا جقتب ينفەكتسياسىن جۇقتىرعان شەتەلدىكتەرگە رەسەيگە كىرۋگە رۇقسات بەرىلۋى مۇمكىن. بۇگىنگى كۇنى ولار تەك جاقىن تۋىستارى رەسەي فەدەراتسياسىنىڭ ازاماتتارى بولسا عانا ەلگە كەلۋگە قۇقىلى. ۆيتسە-پرەمەر مينيستر ولگا گولودەتس  دەنساۋلىقتى ساقتاۋ مينيسترلىگىنە جقتب جۇقتىرعاندار ءۇشىن ەلگە كىرۋ شارتتارىن قاراستىرۋ تاپسىرماسىن بەردى.

رەسەي ەلدە ازاماتتىعى جوق، جقتب-مەن تىركەلگەن تۇلعالاردىڭ جەر اۋدارۋىن جۇزەگە اسىراتىن ەۋروپا كەڭەسىندەگى جالعىز جانە جەر شارىنداعى 16 ەلدىڭ ءبىرى دەپ بەلگىلەيدى گازەت.

گازەت الەۋمەتتىك سالاداعى قامقورلىق سۇراقتارى بويىنشا كەڭەس مۇشەسى پەتر روديونوۆتىڭ تۇسىنىگىن مىسالعا كەلتىرەدى. ونىڭ ويىنشا، جقتب جۇقتىرعاندار ءۇشىن شەكتەۋ شارالارى كەرى اسەرىن تيگىزەدى: ميگرانتتار دياگنوزدارىن جاسىرادى، سونىمەن رەسەيدە جاسىرىن تۇردە ءومىر سۇرەدى، ءتيىمدى مەديتسينالىق كومەككە مۇمكىندىكتەرى جوق.

قىلمىس – كوللەكتورلىق قىزمەتتەن كەتپەي قويدى.

«كوممەرسانت»: «قاتتى قورقىتۋ».

رەسەيدەگى كوللەكتورلاردىڭ قىلمىستىق ارەكەتتەرى ماسەلەلەرى  تۋرالى «كوممەرسانت» گازەتى جازادى. باسىلىمنىڭ مالىمەتى بويىنشا، 2016 جىلى 2015 جىلمەن سالىستىرعاندا بورىشتى ءوندىرىپ الۋشىلارعا تۇسكەن شاعىم سانى 37 %-عا ءوستى، ول دەگەنىمىز 4 مىڭنان اسادى.

دەگەنمەن، قىلمىستى قۇراۋشىلارمەن  ارەكەت ۇلەسى 2 ەسەگە ازايعانىمەن، ماسەلە شەشىلگەن جوق: كىشىگىرىم بۇزىقتاردىڭ ىستەرى توقتاتىلدى، بىراق ءىرى توپتاردىڭ ارەكەتتەرى توقتامادى – ولاردى ەستىرتىپ ايتپايدى.

ەگەر قيسىنسىز قىلىقتار جاساي الاتىن كومپانيالاردىڭ بايلانىستارى جاقسى بولسا، ءبىز وتىنىشكە جاۋاپ رەتىندە بۇل مەكەمە تەك قارىز بەرەدى، بىراق بورىشتى ءوندىرىپ الۋمەن اينالىسپايدى دەگەن جاۋاپ الامىز، -دەپ تۇسىندىرەدى «كوممەرسانت» پاراقشاسىندا مامانداندىرىلعان كوللەكتورلىق اگەنتتىكتەردىڭ ۇلتتىق قاۋىمداستىعىنىڭ باس ديرەكتورى بوريس ۆورونين. الايدا بۇل شىنايىلىققا جاتپايتىن جاعداي. جىل ىشىندە شاعىم تۇسكەن ءىرى بۇزۋشىلىقتار- شاعىمنىڭ 60 %-ى – ول بار جوعى 2 «بىرلەستىك»: ميكروقارجىلىق ۇيىمدار مەن قاراماعىنداعى كوللەكتورلىق اگەنتتىكتەر.

ساراپشى ولاردىڭ اتاۋلارىن ايتپايدى، بىراق بۇل ۇيىمدار «كوزدەلگەن قورقىتۋ» ساياساتىن جۇرگىزىپ وتىر دەپ ناقتىلايدى-اقپاراتتىق جۇيەلەردە بالاعاتتار مەن قورقىتۋ ۇلگىلەرى بار، وندا تەك قارىزدانۋشىنىڭ اتى-ءجونىن جازادى، بۇل-بيزنەستى ءپرينتسيپتى تۇردە جۇرگىزۋ دەيدى. «ەگەر بۇل «ەكى بىرلەستىكتى» تاراتىپ جىبەرسە، كوللەكتورلىق نارىقتاعى تازالىق ءۇشىن كۇرەس 80 %-عا جەڭىسكە جەتەدى»-دەپ قورىتىندىلايدى.

فاريزا مۇقانوۆا

“The Qazaq Times”