Foto: ibtimes.com

Deputattarğa zañdı qabıldauğa uaqıt jetpeydi.

«Vedomosti» jäne RBK: «Jıldamdıqtı tejeu»

«Vedomosti» gazetiniñ redakciyalıq şoluı men RBK mälimetteri memlekettik duma qabıldaytın zañdar sapasına arnalğan. Basılımdar «Garant» kompaniyasınıñ osı taqırıptağı zertteuleri jaylı aytadı, yağni olar 1994-2016 jıldar aralığındağı reseylik zañdar korpusınıñ jwmısına arnalğan statistikanı zerttedi. Zertteuler Aleksey Kudrinniñ strategiyalıq dayındaular ortalığınıñ tapsırısı boyınşa jürgizildi.

22 jıl işinde Resey parlamenti 6700-den astam federaldı zañ qabıldadı dep jazadı «Vedomosti». Onıñ 600-ge juığı soñında alınıp tastalğan. Al är  törtinşi zañ aldında qabıldanğan zañğa engizilgen özgeris retinde qabıldanğan.

«Zañdardı dayındau men qabıldaudağı asığıstıq pen jüyesizdik Resey zañnamasınıñ sapası men azamattardıñ qwqıqtıq tärtibine keri äserin tigizude» - dep qorıtındılaydı gazet.

Degenmen, sayasatker Ekaterina Şul'mannıñ oyınşa, zañdardıñ sapasın arttırudıñ negizgi täsili-bwl sayasi bäsekelestik: ıntımaqtastıq bolmağan jerde daulasu men kelisu qajettiligi tuındaydı, köpşilik talqılauı men sarapşılardı jwmıldıru kerek boladı. Nätijesinde zañ bäseñ qarqınmen qarastırıladı, qorıtındısında ol mağınalı, jaqsı talqılanıp, saraptaudan ötken zañ bolıp şığadı dep sanaydı Şul'man.

Resey Federaciyasına JQTB jwqtırğan şeteldikterdi kirgizuge rwqsat berui mümkin.

«Kommersant»: JQTB jwqtırğandarğa elge kiruge rwqsat berildi me?

«Kommersant» gazetiniñ mälimeti boyınşa JQTB infekciyasın jwqtırğan şeteldikterge Reseyge kiruge rwqsat berilui mümkin. Bügingi küni olar tek jaqın tuıstarı Resey Federaciyasınıñ azamattarı bolsa ğana elge keluge qwqılı. Vice-prem'er ministr Ol'ga Golodec  densaulıqtı saqtau ministrligine JQTB jwqtırğandar üşin elge kiru şarttarın qarastıru tapsırmasın berdi.

Resey elde azamattığı joq, JQTB-men tirkelgen twlğalardıñ jer audaruın jüzege asıratın Europa Keñesindegi jalğız jäne jer şarındağı 16 eldiñ biri dep belgileydi gazet.

Gazet äleumettik saladağı qamqorlıq swraqtarı boyınşa keñes müşesi Petr Rodionovtıñ tüsinigin mısalğa keltiredi. Onıñ oyınşa, JQTB jwqtırğandar üşin şekteu şaraları keri äserin tigizedi: migranttar diagnozdarın jasıradı, sonımen Reseyde jasırın türde ömir süredi, tiimdi medicinalıq kömekke mümkindikteri joq.

Qılmıs – kollektorlıq qızmetten ketpey qoydı.

«Kommersant»: «Qattı qorqıtu».

Reseydegi kollektorlardıñ qılmıstıq äreketteri mäseleleri  turalı «Kommersant» gazeti jazadı. Basılımnıñ mälimeti boyınşa, 2016 jılı 2015 jılmen salıstırğanda borıştı öndirip aluşılarğa tüsken şağım sanı 37 %-ğa östi, ol degenimiz 4 mıñnan asadı.

Degenmen, qılmıstı qwrauşılarmen  äreket ülesi 2 esege azayğanımen, mäsele şeşilgen joq: kişigirim bwzıqtardıñ isteri toqtatıldı, biraq iri toptardıñ äreketteri toqtamadı – olardı estirtip aytpaydı.

Eger qisınsız qılıqtar jasay alatın kompaniyalardıñ baylanıstarı jaqsı bolsa, biz ötinişke jauap retinde bwl mekeme tek qarız beredi, biraq borıştı öndirip alumen aynalıspaydı degen jauap alamız, -dep tüsindiredi «Kommersant» paraqşasında mamandandırılğan kollektorlıq agenttikterdiñ wlttıq qauımdastığınıñ bas direktorı Boris Voronin. Alayda bwl şınayılıqqa jatpaytın jağday. Jıl işinde şağım tüsken iri bwzuşılıqtar- şağımnıñ 60 %-ı – ol bar joğı 2 «birlestik»: mikroqarjılıq wyımdar men qaramağındağı kollektorlıq agenttikter.

Sarapşı olardıñ atauların aytpaydı, biraq bwl wyımdar «Közdelgen qorqıtu» sayasatın jürgizip otır dep naqtılaydı-aqparattıq jüyelerde balağattar men qorqıtu ülgileri bar, onda tek qarızdanuşınıñ atı-jönin jazadı, bwl-biznesti principti türde jürgizu deydi. «Eger bwl «eki birlestikti» taratıp jiberse, kollektorlıq narıqtağı tazalıq üşin küres 80 %-ğa jeñiske jetedi»-dep qorıtındılaydı.

Fariza Mwqanova

“The Qazaq Times”