يەمەندە ۇلكەن اشتىق باستالۋى مۇمكىن

يەمەندە گۋمانيتارلىق داعدارىس ۋشىعىپ تۇر. بۇۇ وكىلى ەگەر جۋىق ارادا ەلگە سىرتتان ارنايى كومەك جەتكىزىلمەسە، يەمەندە سوڭعى ونجىلدىقتاردا الەمنىڭ ەش جەرىندە بولماعان ەڭ ۇلكەن اشتىق باستالعالى تۇر. بۇۇ باس حاتشىسىنىڭ گۋمانيتارلىق سۇراقتار بويىنشا كومەكشىسى مارك لوۋكوك ساۋد ارابياسىن يەمەنگە قويعان اۋە، جەر بلوكادالارىن الىپ تاستاۋعا شاقىردى. بۇل تۋرالى ۆۆس اقپاراتتىق اگەنتتىگى جازدى. 

يەمەندەگى حاۋتي باسقىنشى توپتارىنىڭ ەر-ريادقا قارسى بالليستيكالىق قارۋ قولدانعان وقيعاسىنان كەيىن، شەكارا مەن اۋە كەڭىستىگىن جاۋىپ تاستاعان ساۋد ارابياسى بۇل يراننىڭ بۇلىكشىلەرگە قارۋ-جاراق پەن ازىق-تۇلىك جەتكىزۋىن توقتاتادى دەپ وتىر. 2015 جىلدان بەرى ساۋد-ارابياسى باسقاراتىن كواليتسياعا قارسى كۇرەس جۇرگىزىپ كەلە جاتقان باسقىنشى توپپەن بايلانىسى جوقتىعىن ايتقان يران وزىنە تاعىلعان ايىپتى مويىنداۋدان باس تارتتى.

بۇۇ جاعداي رەتتەلمەسە، 7 ملن يەمەندىك اشتىققا ۇشىرايدى دەپ وتىر. ەلدە جۇمىس ىستەيتىن "قىزىل كرەست" ۇيىمى سۇزەك اۋرۋى ۆيرۋسىن زالالسىزداندىرۋداعى  ەڭ باستى قاجەتتىلىك - حلور تاسىمالىنىڭ توقتاتىلعانىن ايتادى. ال يەمەندە 900 مىڭ ادام سۇزەككە شالدىققان. مۇنداعى حالىق نەگىزىنەن گۋمانيتارلىق كومەكتىڭ ەسەبىنەن عانا تىرشىلىگىن جالعاستىرىپ وتىر. بلوكادا اسەرىنەن ەندى حالىقتى امان ساقتاۋعا كومەكتەسەتىن ازىق-تۇلىك پەن ءدارى-دارمەك جەتكىزۋ مۇمكىن ەمەس.

“The Qazaq Times”