ساۋد ارابياسى امەريكا قۇراما شتاتتارىمەن ورتاداعى شيەلەنىستى رەتتەۋ ءۇشىن ەكى ۇكىمەتتىك دەلەگاتسيا جىبەرۋدى جوسپارلاپ وتىر. ەر-رياد بۇل دەلەگاتسيا ساپارى پرەزيدەنت بايدەننىڭ ساۋد ارابياسىنا رەسمي ساپارمەن كەلۋىنە جول اشادى دەپ ۇمىتتەنۋدە.

15 ماۋسىمداعى العاشقى دەلەگاتسيانى ساۋد ارابياسىنىڭ ساۋدا ءمينيسترى مادجيد بين ابدۋللا ءال-كاسابي باستاپ بارۋ جوسپارلانعان، ال اي سوڭىندا ينۆەستيتسيا ءمينيسترى حالەد ءال-فاليح باستاعان ەكىنشى دەلەگاتسيا اقش-قا بارادى. بۇل دەلەگاتسيالار كولىك، لوگيستيكا جانە جاڭارتىلاتىن ەنەرگيا سياقتى بىرنەشە سالاداعى كەلىسىمدەردى تالقىلايدى.

اقش-قا ۇكىمەتارالىق دەلەگاتسيا جىبەرۋتۋرالى ساۋد بيلىگى قازىرشە رەسمي مالىمدەمە جاساعان جوق. جوعارىداعى اقپاراتتى VOA اگەنتتىگىنە ساۋد ۇكىمەتىندەگى اتى-ءجونىن بىلدىرمەگەن شەنەۋنىكتەر بەرگەن.

يەمەندەگى سوعىس، ادام قۇقىعى جانە ەنەرگيانىڭ قىمباتتاۋىنا بايلانىستى اقش پەن ساۋد ارابياسىنىڭ قارىم-اتىناسى شيەلەنىستى كۇيدە تۇر. بىراق، وتكەن جۇمادا بايدەن ساۋد ارابياسىنا رەسمي ساپار جوسپارىنىڭ بار ەكەنىن ايتقان. ساۋد پاتشالىعىنىڭ تاق مۇراگەرى مۇحاممەد بين-سالمان دا بايدەن ساپارىندا ەكى ەل ورتاسىنداعى قارىم-قاتىناستى رەتتەۋدى ءۇمىت ەتەدى.

پارسى شىعاناعىنداعى ەلدەردىڭ رەسەي جانە قىتايمەن قارىم-قاتىناسى بارعان سايىن تەرەڭدەتە ءتۇسۋى بايدەن ۇكىمەتىن الاڭداتتى، ءارى اقش-تىڭ اتالعان ايماقتاعى پوزيتسياسى سالقىنداي باستادى.

The Qazaq Times