سمارت-سەنسور دياگنوزىڭىزدى انىقتايدى

امەريكا عالىمدارىنىڭ زەرتتەۋىنشە، سەريالى تۇردە شىعاتىن  بيوسەنسەرلەر ادامداعى اۋرۋدىڭ العاشقى بەلگىلەرى بايقالماس بۇرىن،  دياگنوزدى  انىقتايدى – دەپ حابارلايدى Naked-science.

فيزيولوگيالىق پارامەترلەردى ولشەيتىن قۇرالدار دەنساۋلىقتاعى وزگەرىستەردى انىقتايتىنى بەلگىلى. ماسەلەن، ءبىز بىلەتىن جۇرەك قاعىسىن، قان قىسىمىن نەمەسە دەنە قىزۋىڭدى ولشەيتىن قۇرىلعىلار بەلگىلى ءبىر تەحنولوگيالىق جۇيەمەن شەكتەلگەن. بۇگىنگى تاڭدا، ءوزىڭنىڭ دەنساۋلىعىڭدى باقىلاپ وتىرۋ ءۇشىن كوپفۋنكتسيونالدى اپپاراتتاردى (ماسەلەن، تەرمومەتر) قولدانۋعا بولادى. الايدا، ءبارىبىر اۋرۋ بار-جوعىن انىقتاپ، دياگنوزىن قوياتىن – دارىگەر. سول سەبەپتى، عالىمدار دياگنوستيكانى جەڭىلدەتۋ جولدارىن انىقتاماق.

ستەنفورد ۋنيۆەرسيتەتى، مەديتسينا مەكتەبىنىڭ ماماندارى جاڭا جوبالارى: بيوسەنسور، تريكودەرم، فيتنەس-بىلەزىك، پۋلسوكسيمەتردى تاجىريبەدەن وتكىزدى. وعان 35-70 جاس اراسىنداعى 43 ادام قاتىسقان. ونىڭ ىشىندەگى ءبىر ادام بارلىق جەتى قۇرىلعىنى، ال قالعاندارى ءبىر-ءبىر قۇرىلعىنى ءبىر جىل بويى قولدانىپ شىقتى.

بۇل جۇمىستىڭ ماقساتى: جالعىز ادامعا عانا (58 جاستاعى ەر ادام) قولدانىسقا بەرگەن بارلىق 7 بيوسەنسەرلەردىڭ دياگنوستيكالىق تيىمدىلىگىن انىقتاۋ. كۇن سايىن وعان 250 مىڭ دەنە پارامەترلەرىنە ولشەۋ جۇرگىزگەن.

ناتيجەسىندە، 7 بيوسەنسەردەن تۇراتىن جۇيە ەر ادام ۇشاققا وتىرعان كەزىندە SpO2 وتتەگىنىڭ كاپيلليارلىق قانىعۋ دەڭگەيى تومەندەگەنىن كورسەتكەن. سونىمەن قاتار، ءۇش كۇننىڭ ىشىندە لايم اۋرۋىنىڭ جانە ورگانيزمدە قابىنۋ بار ەكەنىن انىقتاعان.

عالىمداردىڭ ايتۋىنشا، بۇنداي قۇرىلعىلاردى قولدانۋ مەديتسينانىڭ جەكە سالالارىن دامىتۋعا سەپتىگىن تيگىزەدى. بۇل تەحنيكانى ادامداردىڭ قالاۋىنا سايكەس بەيمدەۋگە بولادى. ءيا، تاعى دا تەحنيكا. وتكەن اپتادا عالىمداردىڭ جاساندى-ينتەللەكتى بار روبوتتار ويلاپ تاپقانى جايلى ايتىپ ەدىك، وسى جولى ادام دياگنوزىن دارىگەرلەردەن بۇرىن انىقتايتىن قۇرىلعى شىققانىن بىلدىك. بىلىكتى ماماندار سانىن ەمەس، عالىمداردىڭ ويلاپ تاۋىپ جاتقان وسىنداي عاجايىپ-تەحنيكالارىن ارتتىرۋ ادامزات ءۇشىن قانشالىقتى ءتيىمدى؟ ءسىز قالاي ويلايسىز، قىمباتتى وقىرمان؟

«The Qazaq Times»