Foto: naked-science.ru

Amerika ğalımdarınıñ zertteuinşe, seriyalı türde şığatın  biosenserler adamdağı aurudıñ alğaşqı belgileri bayqalmas bwrın,  diagnozdı  anıqtaydı – dep habarlaydı Naked-science.

Fiziologiyalıq parametrlerdi ölşeytin qwraldar densaulıqtağı özgeristerdi anıqtaytını belgili. Mäselen, biz biletin jürek qağısın, qan qısımın nemese dene qızuıñdı ölşeytin qwrılğılar belgili bir tehnologiyalıq jüyemen şektelgen. Bügingi tañda, öziñniñ densaulığıñdı baqılap otıru üşin köpfunkcionaldı apparattardı (mäselen, termometr) qoldanuğa boladı. Alayda, bäribir auru bar-joğın anıqtap, diagnozın qoyatın – däriger. Sol sebepti, ğalımdar diagnostikanı jeñildetu joldarın anıqtamaq.

Stenford universiteti, Medicina mektebiniñ mamandarı jaña jobaları: biosensor, trikoderm, fitnes-bilezik, pul'soksimetrdi täjiribeden ötkizdi. Oğan 35-70 jas arasındağı 43 adam qatısqan. Onıñ işindegi bir adam barlıq jeti qwrılğını, al qalğandarı bir-bir qwrılğını bir jıl boyı qoldanıp şıqtı.

Bwl jwmıstıñ maqsatı: jalğız adamğa ğana (58 jastağı er adam) qoldanısqa bergen barlıq 7 biosenserlerdiñ diagnostikalıq tiimdiligin anıqtau. Kün sayın oğan 250 mıñ dene parametrlerine ölşeu jürgizgen.

Nätijesinde, 7 biosenserden twratın jüye er adam wşaqqa otırğan kezinde SpO2 otteginiñ kapillyarlıq qanığu deñgeyi tömendegenin körsetken. Sonımen qatar, üş künniñ işinde Laym auruınıñ jäne organizmde qabınu bar ekenin anıqtağan.

Ğalımdardıñ aytuınşa, bwnday qwrılğılardı qoldanu medicinanıñ jeke salaların damıtuğa septigin tigizedi. Bwl tehnikanı adamdardıñ qalauına säykes beymdeuge boladı. Iä, tağı da tehnika. Ötken aptada ğalımdardıñ jasandı-intellekti bar robottar oylap tapqanı jaylı aytıp edik, osı jolı adam diagnozın därigerlerden bwrın anıqtaytın qwrılğı şıqqanın bildik. Bilikti mamandar sanın emes, ğalımdardıñ oylap tauıp jatqan osınday ğajayıp-tehnikaların arttıru adamzat üşin qanşalıqtı tiimdi? Siz qalay oylaysız, qımbattı oqırman?

«The Qazaq Times»