فوتو: ontustik.gov.kz

قىتايلىق كاسىپكەرلەر وڭتۇستىك قازاقستان وبلىسىندا بيوەتانول ءوندىرۋ زاۋىتى مەن فوسفور ءوندىرىسىنىڭ قالدىقتارىن قايتا وڭدەۋدەن وتكىزەتىن ءوندىرىستى ىسكە قوسپاقشى. بۇل تۋرالى وبلىستىڭ ءباسپاسوز قىزمەتى حابارلادى.

قىتايلىقتار فوسفور قالدىقتارىن وڭدەۋدە سوزاق ءوڭىرىن ال بيوەتانول وندىرىسىنە وتىرار اۋدانىن، قولايلى دەپ تاپقان.

وڭتۇستىك قازاقستان وبلىسىنىڭ اكىمى جانسەيىت تۇيمەباەۆتىڭ سوزىنشە، شەتەلدىك ينۆەستورلار كەدەندىك، مۇلىكتىك سالىقتاردان بوساتىلادى ەكەن.

«ەلگە ينۆەستيتسيا تارتۋ – ەكونوميكانىڭ ەڭ نەگىزگى تەتىگى. ءبىز كاسىپكەرلەرگە بارىنشا قولداۋ ءبىلدىرىپ وتىرمىز. وڭىرىمىزدە 11 يندۋستريالدىق 1 ارنايى ەكونوميكالىق ايماعىمىز جۇمىس ىستەيدى.   شەتەلدىك ينۆەستورلار كەدەندىك، مۇلىكتىك سالىقتاردان بوساتىلادى. سونداي-اق جەر تەلىمى، ينفراقۇرىلىمدىق قاجەتتىلىكتەردىڭ بارىمەن تولىق قامتاماسىز ەتەتىن بولامىز»، - دەدى وبلىس اكىمى.

قىتايلىق ينۆەستورلار بيوەتانول ءوندىرۋ ىسىندە وڭتۇستىك قازاقستاندىق جۇگەرى مەن بيداي، ارپا قالدىقتارىن پايدالانباق. بۇل جاڭا وتىن ءتۇرى جانار-جاعار مايعا قاراعاندا، اۋانى لاستامايدى جانە پارنيكتىك گازداردى دا بولمەيدى ەكەن.

دەسەك تە، فوسفور زاۋىتىنىڭ دا سالىناتىنىن ەسكەرگەن ءجون. قازىرگى كەزدە وڭتۇستىك قازاقستان وبلىسى قازىرگى ۋاقىتتا ءتۇرلى ەكونوميكالىق زاۋىتتاردىڭ سالىنۋى سالدارىنان ەكولوگياسى ناشار ايماققا اينالعان. ال زاۋىتتاردى زيان ەكەنىن بىلە تۇرا بيلىكتەگىلەر ولاردىڭ  ەلدى مەكەندەردەن قاشىق جەرگە سالۋعا قۇلىقسىز. سوندىقتان ىشتەگى بيلىك قاۋىپسىزدىكتى ەسكەرمەسە، سىرتتاعى قىتايلىقتار ونى ەسكەرە قويۋى ەكىتالاي. ءارى ولاردىڭ سالىق تولەمەيتىنى بىزگە زيان.

“The Qazaq Times”