جەكە مەنشىك وقۋ ورىندارىنىڭ تابىسى قىسقارعان

قازاقستاننىڭ جوعارعى وقۋ ورىندارىنداعى ۇلتتىق ءبىلىم بەرۋ جۇيەسىنىڭ دەڭگەيى تومەندەگەن جانە تابىسى دا ازايعان. 2016 جىلدىڭ قورىتىندىسى بويىنشا جوعارى ءبىلىم بەرۋ مەكەمەلەرى 8,5 ملرد تەڭگە شاماسىندا تابىس تاپقان جانە بۇل 2015 جىلدىڭ تابىسىمەن سالىستىرعاندا 2 ەسەگە تومەن. بۇل جىلى وقۋ ورىندارىنىڭ تابىسى 19,9 ملرد تەڭگەنى قۇراعان. مۇنداي مالىمەتتەردى Finprom.kz اگەنتتىگى كەلتىرىپ وتىر. 

وسىلايشا، جوو-لار 2015 جىلعى ترەندتى ساقتاي المادى. 2015 جىلى جوو-نىڭ تابىسى 2014 جىلعا قاراعاندا 3 ەسەگە ارتقان جانە سوڭعى 5 جىلداعى ەڭ جوعارعى كورسەتكىشكە يە بولدى.

اسىرەسە جەكە مەنشىك وقۋ ورىندارىنىڭ تابىسى 2014-2015 جىلعىداي كورسەتكىشكە يە بولا الامادى. سەبەبى 2016 جىلى ولاردىڭ تابىسى 5 ەسەگە تومەندەپ، 11,8 ملرد تەڭگەدەن 2,4 ملرد تەڭگەگە دەيىن ازايدى. مەملەكەتتىك ۋنيۆەرسيتەتتەر مەن اكادەميالاردىڭ دا تابىسى ازايعان. ءبىر جىلدا 26,5 پايىزعا نەمەسە 2,1 ملرد تەڭگەگە ازايدى.

جەكە مەنشىك جوو-لار ەكونوميكا جاعدايىن ۋاقىتىلى ەسكەرمەگەن بولۋى مۇمكىن. ناتيجەسىندە بۇل سەكتورداعى جالپى شىعىندار ءبىر جىلدا بىردەن 22,2 پايىزعا ۇلعايعان. 2015 جىلعى شىعىن 18 پايىز بولعان. ال تابىس بار بولعانى 8,7 پايىزعا كوبەيگەن. ءبىر جىل بۇرىنعى ءوسىم 22,9 پايىزعا كوپ بولعان ەدى.

جالپى قازاقستاننىڭ جوو سالاسى سوڭعى 5 جىلدا قىسىمعا ۇشىراپ كەلەدى. سەبەبى ستۋدەنتتەردىڭ سانى ازايدى ءارى جوو-لار سانى قىسقارعان. 2011-2016 وقۋ جىلىندا قازاقستاندا 4 جوو جابىلعان. ال ستۋدەنتتەردىڭ سانى وسى وقۋ جىلى ارالىعىندا ورتاشا ەسەپپەن 32,2 مىڭعا قىسقارعان.

شىن مانىندە ستۋدەنتتەر سانىنىڭ قىسقارۋى ورىندى. سەبەبى  مەلمەكەتتىك گرانتقا تۇسە الماعانداردىڭ جىل سايىن كوتەرىلەتىن وقۋ اقىسىن تولەۋگە شامالارى كەلمەيدى. وعان 2016-2017 وقۋ جىلىندا قارجىلىق قيىندىقتارعا بايلانىستى  17 مىڭ ستۋدەنتتىڭ وقۋدان شىعىپ كەتۋى دالەل. سونداي-اق، كەيبىر مەملەكەتتىك ۋنيۆەرسيتەتتەردىڭ جەكە قولعا ءوتۋى وقۋ ورىندارىنىڭ بەدەلىنە نۇقسان كەلتىرىپ جۇرگەن جايى بار.

“The Qazaq Times”