كورنەكى سۋرەت. فوتو: kaznews.kz

قازاقستان رەسپۋبليكاسى جوعارى وقۋ ورىندارىنىڭ دايىندىق بولىمدەرىنە 1000 ورىن ءبولىندى، دەپ حابارلايدى دۇنيەجۇزى قازاقتارى قاۋىمداستىعىنىڭ ءباسپاسوز قىزمەتى.

بولون پروتسەسى جانە اكادەميالىق ۇتقىرلىق ورتالىعىنىڭ حابارلاۋىنشا، جوو-دىڭ دايىندىق بولىمدەرى شەتەلدىكتەر مەن قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ازامات جانە قازاقستان رەسپۋبليكاسىنىڭ تۇراقتى تۇراتىن ازاماتتىعى جوق تۇلعالار ءۇشىن.

«دۇنيەجۇزى قازاقتارىنىڭ قاۋىمداستىعى» رقب، «وتانداستار قورى» كەاق جانە قازاقستان رەسپۋبليكاسى ءبىلىم جانە عىلىم مينيسترلىگى 2019-2020 وقۋ جىلىنداعى قازاقستاندىق ازاماتتىعى جوق ۇلتى قازاق تۇلعالار ءۇشىن بولىنگەن ءبىلىم گرانتتارى تۋرالى اقپاراتتى سىزدەرگە جولدايدى.
ەتنيكالىق قازاقتار مەملەكەتتىك ءبىلىم بەرۋ تاپسىرىس بويىنشا جوعارى وقۋ ورىندارىنىڭ دايىندىق بولىمدەرىندە ءبىلىم الا الدى. وسى ماقساتتا قازاقستان رەسپۋبليكاسى ۇكىمەتىنىڭ 2018 جىلعى 16 ساۋىردەگى № 199 قاۋلىسىنا سايكەس 2019-2020 وقۋ جىلىنا رەسپۋبليكالىق بيۋدجەتتەن قارجىلاندىرىلاتىن ءبىلىم بەرۋ ۇيىمدارىندا جوعارى وقۋ ورىندارىنىڭ دايىندىق بولىمىندە قر-نىڭ ازاماتتارى بولىپ تابىلمايتىن ۇلتى قازاق ادامداردى وقىتۋعا 1000 ورىن ءبولىندى.
ۇمىتكەرلەردەن قۇجاتتاردى قابىلداۋ 2019 جىلعى 5 تامىز بەن 5 قىركۇيەك ارالىعىندا قر ءبىلىم جانە عىلىم مينيسترلىگىنىڭ بالون پروتسەسى جانە اكادەميالىق ۇتقىرلىق ورتالىعىنىڭ ۆەب پورتالى ارقىلى ونلاين رەجيمدە جۇرگىزىلەدى:

https://enic-kazakhstan.kz.
قۇجاتتاردى ونلاين رەجيمىندە تاپسىرۋ بويىنشا قوسىمشا سۇراقتار تۋىنداعان جاعدايدا تەلەفون: +7(7172) 28-75-21 نومىرىنە جانە E-mail: cbpiam@n-k.kz بويىنشا حابارلاسۋعا بولادى.
سونداي-اق دۇنيەجۇزى قازاقتارىنىڭ قاۋىمداستىعى تەلەفون: 8(7172) 23 – 59 – 17 نومەرىنە جانە E-mail: kazakhofworld@gmail.com بويىنشا پوشتاسىنا حات جولداۋعا بولادى.

"The Qazaq Times"