فوتو: تسارگراد.

الداعى اپتادا، ياعني 15 ماۋسىم كۇنى بەلگيانىڭ بريۋسسەل قالاسىندا ەۋروپاداعى دەموكراتيا تاعانى سەمينار-وتىرىسىن وتكىزىپ، ونداعى تالقى تاقىرىبىنىڭ بىرىنە ورتالىق ازياداعى راديكاليزم ماسەلەسىن قاراستىرماق. سەبەبى، سوڭعى كەزدەرى تۋىلعان سانكت-پەتەربۋرگ، ستامبۋل، ستوكگولم قالالارىندا بولعان جارىلىستاردا قىرعىزستان مەن وزبەكستان ازاماتتارىنىڭ بولعانى بەلگىلى. بۇل تۋرالى BBC حابارلاپ وتىر.

ورتالىق ازيادان دايش تەررورلىق ۇيىمى جانە ونىمەن بايلانىستاعى ءال-كايدا ۇيىمدارىنا كىرگەن ادامداردىڭ سانىنىڭ قانشا ەكەنى انىق ەمەس. بىراق ولاردىڭ سانىنىڭ قانشا بولۋى ماڭىزدى ەمەس. ماڭىزدىسى – وسى ۇيىمداردىڭ ىقپالىندا ورتا ازيا بولاشاقتا تەررورلىق شابۋىلداردىڭ جانە ەكسترەميزم مەن راديكال توپتاردىڭ مەكەنىنە اينالىپ كەتپەۋى.

ورتا ازيا ەلدەرى ازاماتتارىنىڭ تەررورلىق توپتارعا كىرۋىنىڭ ۇلكەن ءبىر سەبەبى وزبەكستان، قىرعىزستان جانە تاجىكستان قاتارلى ەلدەردەگى جاپپاي كوشى-قوندى تۋدىرىپ وتىرعان كەدەيشىلىك پەن جۇمىسسىزدىق بولىپ وتىر. جۇمىسسىزدىق پەن الەۋمەتتىك تاپشىلىقتان  قينالعان ورتا ازيالىق ەلدەرىنىڭ جاستارىن ەكسترەميستىك توپتار وڭاي قاتارىنا تارتىپ كەتۋدە.

مامىر ايىنىڭ باس شەنىندە قىرعىزستان پرەزيدەنتى المازبەك اتامباەۆ رەسەيدەگى ورىس ۇلتشىلدارىن قولداعان ساياساتكەرلەردى ايىپتادى. ول سوزىندە رەسەيدەگى اسىرە ۇلتشىلداردىڭ ميگرانتتارعا جاساعان قىسىمى، ميگرانتتاردىڭ تەرروريستەردى جاقتاپ كەتۋىنە قوزعاۋشى بولۋدا دەدى.

ال، باتىس ساراپشىلارى ورتا ازيا ەلدەرىندەگى بيلىكتىڭ ادام قۇقىقتارىن شەكتەپ، رەپرەسسيالىق ساياسات قولدانۋى دا حالىقتىڭ بيلىككە دەگەن اشىنىشىن تۋدىرىپ، ەكسترەميستىك توپتاردىڭ حالىقتى وزىنە تارتۋىنا وراي بەرىپ وتىر دەپ قارايدى. سونىمەن بىرگە كەڭەس ۇكىمەتى كەزىندە كۇشپەن باسىلعان يسلام ءدىنىنىڭ قايتا وركەن جايۋى دا وڭىردەگى ءدىني ەكسترەميستىك توپتاردىڭ كوبەيۋىنە مۇرىندىق بولدى.

جوعارىدا اتالعان 15 ماۋسىم بريۋسسەل وتىرىسى وسى ماسەلەلەرگە جاۋاپ ىزدەپ كورمەك. سونداي-اق ەۋروپا وداعىنىڭ الداعى ۋاقىتتار دا ورتا ازياعا قاراتقان ستراتەگيالىق ساياساتىنا ءجون سىلتەمەك. ەۋروپا جانە ورتالىق ازيا مونيتورينگ باعدارلاماسى (CESS), ەۋروپالىق قاۋىپسىزدىك عىلىمي-زەرتتەۋ ورتالىعى (EUCAM) جانە دجوردج ۆاشينگتون ۋنيۆەرسيتەتى جانە ب.ا. باعدارلاماسى (CAP), دەموكراتيا ءۇشىن ەۋروپالىق قورى (EED) قاتارلى تاراپتار ورتاق پىكىرلەسپەك.

“The Qazaq Times”