Foto: Car'grad.

Aldağı aptada, yağni 15 mausım küni Bel'giyanıñ Bryussel' qalasında Europadağı demokratiya tağanı seminar-otırısın ötkizip, ondağı talqı taqırıbınıñ birine Ortalıq Aziyadağı radikalizm mäselesin qarastırmaq. Sebebi, soñğı kezderi tuılğan Sankt-Peterburg, Stambul, Stokgol'm qalalarında bolğan jarılıstarda Qırğızstan men Özbekstan azamattarınıñ bolğanı belgili. Bwl turalı BBC habarlap otır.

Ortalıq Aziyadan DAIŞ terrorlıq wyımı jäne onımen baylanıstağı äl-Kaida wyımdarına kirgen adamdardıñ sanınıñ qanşa ekeni anıq emes. Biraq olardıñ sanınıñ qanşa boluı mañızdı emes. Mañızdısı – osı wyımdardıñ ıqpalında Orta Aziya bolaşaqta terrorlıq şabuıldardıñ jäne ekstremizm men radikal toptardıñ mekenine aynalıp ketpeui.

Orta Aziya elderi azamattarınıñ terrorlıq toptarğa kiruiniñ ülken bir sebebi Özbekstan, Qırğızstan jäne Täjikstan qatarlı elderdegi jappay köşi-qondı tudırıp otırğan kedeyşilik pen jwmıssızdıq bolıp otır. Jwmıssızdıq pen äleumettik tapşılıqtan  qinalğan Orta Aziyalıq elderiniñ jastarın ekstremistik toptar oñay qatarına tartıp ketude.

Mamır ayınıñ bas şeninde Qırğızstan prezidenti Almazbek Atambaev Reseydegi orıs wltşıldarın qoldağan sayasatkerlerdi ayıptadı. Ol sözinde Reseydegi äsire wltşıldardıñ migranttarğa jasağan qısımı, migranttardıñ terroristerdi jaqtap ketuine qozğauşı boluda dedi.

Al, Batıs sarapşıları Orta Aziya elderindegi biliktiñ adam qwqıqtarın şektep, repressiyalıq sayasat qoldanuı da halıqtıñ bilikke degen aşınışın tudırıp, ekstremistik toptardıñ halıqtı özine tartuına oray berip otır dep qaraydı. Sonımen birge Keñes ükimeti kezinde küşpen basılğan Islam dininiñ qayta örken jayuı da öñirdegi dini ekstremistik toptardıñ köbeyuine mwrındıq boldı.

Joğarıda atalğan 15 mausım Bryussel' otırısı osı mäselelerge jauap izdep körmek. Sonday-aq Europa Odağınıñ aldağı uaqıttar da Orta Aziyağa qaratqan strategiyalıq sayasatına jön siltemek. Europa jäne Ortalıq Aziya monitoring bağdarlaması (CESS), Europalıq qauipsizdik ğılımi-zertteu ortalığı (EUCAM) jäne Djordj Vaşington universiteti jäne B.A. bağdarlaması (CAP), demokratiya üşin Europalıq qorı (EED) qatarlı taraptar ortaq pikirlespek.

“The Qazaq Times”