فوتو: AlterVision.org

2050 جىلعا قاراي الەمدە زەينەتاقى جيناقتارىنىڭ تاپشىلىعى 428 ترلن دوللاردى قۇرايدى. ياعني وسىنشا قارجى جەتىسپەيدى دەگەن ءسوز. قاراجاتتىڭ مۇنداي جەتىسپەۋشىلىگى ء"ومىر ءسۇرۋ ۇزاقتىعى مەن زەينەتاقى قورلارى ينۆەستيتسياسىنىڭ تومەن بولۋىمەن بايلانىستى بولادى" دەپ كەلتىرىلگەن دۇنيەجۇزىلىك ەكونوميكالىق فورۋم (دەف) بايانداماسىندا. 

بايانداما اۆتورلارىنىڭ سوزىنشە، الەم ەندى وسى ماسەلەمەن كۇرەسۋ كەرەك. "زەينەتكەرلىك جاستى ۇلعايتۋدان ەش پايدا جوق", - دەيدى ولار.

زەينەتاقى جيناقتارى جەتىسپەيتىن باستى ەلدەر اقش، ۇلىبريتانيا، جاپونيا، نيدەرلاندى، كانادا، اۋستراليا سياقتى ەلدەر بولۋى مۇمكىن. سونداي-اق، بۇل پروبلەما قىتاي، ءۇندىستان سياقتى حالقى كوپ ەلدەردى دە اينالىپ وتپەيدى.

دۇنيەجۇزىلىك ەكونوميكالىق فورۋمنىڭ مۇنداي ەسەبى ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) مالىمەتىنە نەگىزدەلىپ جاسالعان. ۇيىمنىڭ پايىمىنشا، زەينەتاقى جيناقتارىنىڭ تابىسى جۇمىس ىستەپ جۇرگەن كەزدەگى كىرىستىڭ 70%-ىن قۇراۋ كەرەك. ەىدۇ-عا مۇشە 35 ەلدىڭ ىشىندە زەينەتكەرلەردىڭ ورتاشا كورسەتكىشى - 63%.

ال ەندى مىنا مالىمەتكە نازار اۋدارىڭىز: قازىرگى كەزدە جاسى 65-تەن اسقانداردىڭ سانى 650 ملن شاماسىندا بولسا، 2050 جىلعا قاراي بۇل كورسەتكىش 2,1 ملرد ادامدى قۇرايدى. سونداي-اق، قازىر ءاربىر زەينەتكەرگە 8 جۇمىسشىدان كەلسە، 2050 جىلى بۇل اراقاتىنان ەكى ەسەگە قىسقارادى.

“The Qazaq Times”