Janqiyar "Azov batal'onı" bekingen "Azovstal'" zauıtı. Foto: BBC.

Resey Azov teñiziniñ jağasındağı Mariupol' port şaharın tügelge juıq baqılauğa alğanın aytıp jatır. Biraq, Mariupol'de äli qarsılıq körsetip, soñğına deyin soğısuğa bekingen ukrainalıq jauıngerler bar. «Azov batal'onı» dep atalğan bwl jauıngerler qosını qazır qaladağı «Azovstal'» metall qortu zauıtına bekingen, jauğa tize bükpeytinderin habarlauda.

Mariupol' port qalasın özine qaratu Reseydiñ qazirgi strategiyalıq bastı maqsatı. Sebebi, bwl qalanı öz baqılauına alu Ukrainanıñ şığısı men oñtüstik şığısına baqılau jürgizuge mol mümkindik jaratadı. Mariupol'di baqılauğa aldıq degen Reseydiñ mälimdemelerimen qatar Ukraina prem'er-ministri Denis Şmıgal' amerikalıq ABC arnasına swhbat berip: «Mariupol' qwlağan joq. Ol jerde bizdiñ qwraldı küşterimiz – jaungerlerimiz bar. Olar soñına deyin wrıs saladı, olar Mariupol'de», – dedi.

Ukraina SİM basşısı Kulebanıñ aytuınşa Resey Marupol'di jermen jeksen etudi şeşip otır. Al, Mariupol' qalasınıñ jergilikti bilik ökiliniñ BBC-ge bergen mälimetinde qala twrğındarı jürip-twruğa rwqsat alu üşin wzın kezekke twruı mümkin ekeni, olardıñ wyalı telefondarı tekserilui, tipti erkinen tıs Reseyge äketilui mümkin ekenin aytqan.

Türli aqparat közderindegi mälimetterge jäne Sybilline saraptamalıq kompaniyasınıñ derekterine süyene otırıp, qazir Mariupol'de Resey küşterine bağınbay soğısıp jatqan ukrainalıq sarbazdardıñ sanı 500-800 aynalasında deuge boladı. Atalğan kompaniyanıñ sarapşısı Jastin Kramp BBC tilişisine bergen jauabında, Mariupol'degi ukrainalıq jauıngerler äli de köpke şıday alatının aytadı, olar yadrolıq soqqığa qarsı bunkerden, türli jasırın joldardı paydalana otırıp uaqıttı wzartuğa mümkindigi bar.

Qazir sırtqı älem Mariupol'degi beybit twrğındardan köbirek alañdaydı. Sebebi, köpten beri qaladan auqımdı evokuaciya bolğan joq, Resey tarabı jaralılar men beybit twrğındardı evakuaciyalauğa däliz qaldırarın aytqanımen, praktikalıq twrğıda bwl iske asıp jatqan joq.

The Qazaq Times