Qorğanıs ministri Ruslan Jaqsılıqov «Qazaqstan äskeri Resey şekarasın qorğauğa bara ma?» degen jurnalister saualına jauap berdi. Ol qanday da bir elge bitimger küşterdi jiberu Birikken Wlttar Wyımı şeñberinde jüzege asatının ayttı.

– Bar jauapkerşilikti moynıma ala otırıp, Qazaqstan Respublikasınıñ qarulı küşteri el aumağında ekenin mälimdeymin. [Äsker jiberu] boyınşa qanday da bir mindettemeler, bitimgerşilik missiyalar boyınşa şeşimderdi tek Birikken Wlttar Wyımı şeñberinde jürgizemiz. Alayda WQŞW aumağında mwnday mindetterdi orındamaymız jäne eşqayda barayıq dep jatqan joqpız. Uayımdamasañızdar boladı, eşqayda barmaymız,– dedi Jaqsılıqov.

Soñğı uaqıttar anonimdi telegram arnalarda «Qazaqstan äskeri Wjımdıq qauipsizdik turalı şart wyımı ayasında Reseydiñ Ukrainamen şekaralas oblıstarına baradı. Mäskeu tarapınan Astanağa osınday wsınıs tüsti» degen aqparattar tarağan. Ol telegram çattarda qızu talqılanğan.

Resey Ukrainağa basıp kirgeli beri elde Qazaqstan Wjımdıq qauipsizdik turalı şart wyımı men Evraziyalıq ekonomikalıq odaqtan şığuı kerek degen pikirler jii aytıluda.