Foto: aşıq derekközden

QR bas prokuraturası qañtardağı dürbeleñnen soñ wstalğan, qamalğan azamattar men qozğalğan isterdiñ sanın jariyalap, eldegi oqiğalar kezinde tüsirilgen foto/video materialdardı jinau üşin arnayı sayt aşqanın jariyaladı.

«TJ rejimi kezeñinde jasalğan qwqıq bwzuşılıqtar üşin 6966 äkimşilik is jürgizuler qozğau turalı hattamalar toltırıldı, ärtürli äkimşilik jauaptılıqqa 4918 adam tartıldı, onıñ işinde 1978 adam qamaqqa alındı. 791 adamğa ayıppwl salındı jäne 2149-ı eskertildi. Sottardıñ qarauında 2048 material bar.

Büginde jedel-tergeu toptarı 494 qılmıstıq isti, onıñ işinde 44 – terrorizm aktileri boyınşa, 34 – jappay tärtipsizdikter boyınşa, 15 adam öltiru jäne basqaları boyınşa tergep-tekserude.

Qılmıs jasadı degen küdikpen 524 adam uaqıtşa wstau izolyatorlarına qamaldı. Sottıñ sankciyasımen 412 adam qamauğa alındı. Qazirgi uaqıtta qajetti tergeu äreketteri jürgizilude» dep habarladı.

Elde dürbeleñ kezinde iz-tüssiz ketken adamdardı jaqındarı izdep jatır. Äzirge qanşa adamnıñ iz-dereksiz ketkeni turalı naqtı aqparat belgisiz.

Joğalğan adamdar turalı aqparat jinaqtau üşin azamattıq belsendiler arnayı sayt aşqan.

The Qazaq Times