Jurnalist Dinara Egeubaeva balasına belgisiz bireu tapanşa kezengenin habarladı. Bwl jöninde ol instagram jelesinde jazdı.

– Meniñ wlıma tapanşamen şabuıl jasadı. Ol Euroodaq azamatı. Toqaev, halıqaralıq dau bolğanın qalaysıñ ba? Itteriñdi baylauda wsta, – dep jazdı Egeubaeva 6 aqpanda.

14 qañtarda jurnalistiñ avtoköligin belgisiz bireuler örtep ketken. Egeubaeva bwnı «ömirime jasalğan qastandıq» dep bağalağan.

– Salonnıñ işinde kirpiş jatır. Onı köliktiñ artqı äyneginen laqtırğan. Men eseñgirep qaldım... Kölik aulada twr. Onıñ janında özge kölikter twr. Jarılıs boluı mümkin edi. Öte ülken. Onda birinşi qabatta twratın adamdar qaza tabuı mümkin edi. Olardıñ ne istep jatqanın tüsinesizder me? Policiya, ört söndiruşiler keldi... Bwl Toqaevtıñ «Jaña Qazaqstanı», – degen ol.

Dinara Egeubaeva Qañtar oqiğası kezinde azaptalğandar men oqqa wşıp, qaza tapqandardıñ tuıstarınan swhbat alıp, habar taratıp keledi. Jaqında parlament saylauına majoritarlıq jüye boyınşa kandidaturasın wsınğan. Onıñ jaqtastarı jurnaliske jasalıp jatqan qısımdardı saylaumen baylanıstıradı.

Dinara Egeubaeva är jıldarı «KTK», «31», «Habar», «NTV» (reseylik), «Nastoyaşee vremya Aziya»  telearnalarında jwmıs istegen.