27 qaraşa küni Almatıda üşinşi kezekti «Halıq qwrıltayı» ötti. Oğan birqatar qoğam qayratkerleri men azamattıq belsendiler qatıstı. Qwrıltay kün tärtibinde birqatar taqırıptardı talqılap soñında mınaday qarar qabıldadı:

  1. QR prezidenti Q.Toqaevqa Qazaq eli twrğındarı atınan qoyılğan «Täuelsizdikke jäne memlekettilikke töngen qauip turalı» talap quattalsın.

2.QR prezidenti Q. Toqaevqa, senat jäne mäjilis törağaları M.Äşimbaev pen N.Nığmatullinge Qazaq eli twrğındarı atınan qoyılğan «Sayasi reforma turalı» talap quattalsın.

  1. QR Joğarğı sotınıñ törağası J.Asanovqa, bas prokurorı G.Nwrdäuletovke, İşki ister ministri E.Twrğımbaevqa, Wlttıq qauipsizdik komitetiniñ törağası K.Mäsimovke Qazaq eli twrğındarı atınan qoyılğan « Sayasi tapsırıspen jasalatın «qılmıstıq isterdi», qudalau-quğındaudı toqtatu turalı» talap quattalsın.
  2. Qıtay zauıttarın Qazaqstanda ornalastıruğa jol bermeu üşin bükilhalıqtıq qarsılıq şaraları wyımdastırılsın. Respublikalıq komissiya qwrılsın. Onıñ qwramına mınalar kirsin: Ermwrat Bapi, Rısbek Särsenbay, Nwrtaza Qadırniyazov, Mirbolat Mırzataywlı, Erqanat Twrsınjanwlı, Esenğazı Quandıq, Şınquat Bayjanov, Aray Nazar, Duman Mwhamedkärim, Isqaq Asanğazı, Asılbek Qaraev, Quanış Bakirlanov, Kenjebek Swltanbekov. Aqıldastar alqası wsınatın özge de patriot azamattar komissiya qwramına engizilsin.

«Halıq Qwrıltayında» birqatar qoğam qaytarkerleri bayandama jasadı. QT portalınıñ YouTube kanalınıñ körermenderine sol bayandamalardı kezegimen wsınatın bolamız.

The Qazaq Times