Bügin Almatıda qoğam belsendileri «Qañtar oqiğasın» zertteu jönindegi täuelsiz komissiya qwrdı. Komissiya qwramında memleket jäne qoğam qayyratkerleri, sayasatkerler, qwqıq qorğauşı zañgerler men jurnalister bar.

Qoğamdıq komissiya öziniñ aldına mınanday mindetter qoyadı jäne onı jüzege asıradı:

  • 2022 jılğı qañtar ayında bolğan halıq tolqularına – beybit jiındarğa, mitingiler men şerulerge qatısqan jazıqsız adamdardı qorğau. Olardı qamauğa, qısım körsetuge, azaptauğa, jazağa tartuğa jol bermeu.
  • Azamattardıñ Konstituciyalıq qwqıqtarın qorğaytın – beybit, erkin türde jinaluına, memlekettik orındarğa talap qoyıp, narazılıq bildiruine, qauipsizdigin saqtauğa qatıstı zañdardı jäne olardıñ qoldanıluın talqılau. Wsınıstar, özgerister engizu.
  • Qantögiske wrındırğan qaqtığıstardıñ sebepterin anıqtau, saldarlarına taldau jasau.
  • Arandatuşılar men lañkesterdiñ bwzaqılıq, qılmıstıq äreketteriniñ aldın almağan, key jağdayda qanday da bir maqsatpen olarğa qoldauşılıq, beytaraptıq tanıtqan küştik qwrılımdardı, ıqpal etuşi twlğalardı äşkereleu.
  • Qaqtığıstar kezinde, küş qoldanu, atu saldarınan qaza tapqan ärbir azamattıñ atı- jönin, ölim sebepterin anıqtau. Aqiqattı aşu.
  • Oqiğağa qatısuşı sebepker toptardıñ äreketterine taldau jasau, qoğamdıq pikirdi jariya etu.
  • Prezidentten bastap, memlekettik basqaru orındarınıñ, küştik qwrılımdardıñ äreketine nemese äreketsizdigine zañdıq, sayasi bağa beru.
  • Beybit jiındar, mitingiler turalı memlekettik sayasattı, wstanımdı tübegeyli özgertu mäselesin köteru.
  • Asırauşısınan ayırılğan jäbirlenuşilerge jetkilikti kölemde materialdıq ötemaqı töletkizu.
  • «ODKB» bitimgerlik qarulı küşterin Qazaqstanğa kirgizuge baylanıstı qoğamnıñ alañdauşılığın, qarsılığın qoldau.
  • Sot procesterine qatısu, zañdılıqtıñ, azamattardıñ qwqığınıñ saqtaluın qadağalau.
  • Azamattardıñ qwqığın qorğau jönindegi wyımdarmen, qorlarmen, zañgerlermen, advokattarmen birlesip jwmıs isteu, olarğa qoldau körsetu.
  • Oqiğağa qatıstı foto, beyne tüsirilimderdi, kuägerlerdiñ, oqiğağa qatısuşılardıñ tüsinikterin, ayğaqtardı, qwjattardı jinaqtau, taldau jasau jäne saqtau.
  • Naqtılı anıqtalğan, däleldengen materialdar negizinde qorıtındı jasau jäne BWW-na, Evroparlamentke, halıqaralıq sotqa Qazaqstan Respublikasındağı halıqtıñ beybit şeruine tosqauıl jasaytın, azamattıq qwqıqtarın şekteytin keleñsiz jayttar turalı, nazarbaevtıq diktaturanıñ jalğasıp jatqandığı turalı şağımdanu.

Komissiya qwramında memleket jäne qoğam qayratkeri, sayasatker Baltaş Twrswmbaev, qoğam qayratkerleri, sayasatker Rısbek Särsenbay, qoğam qayratkeri, jurnalist Ermwrat Bäpi, qwqıq qorğauşı Marjan Aspandiyarova,  qwqıq qorğauşı Ğalım Aqeleuov, zañger Timur Toqseyitov, zañger Älnwr Il'yaşev, rejissor Erkin Raqşev, qoğam qayratkeri Nwrlan Bwlanbay, jurnalist-bloger Dinara Seysen,  jurnalist Duman Mühametkärim, jurnalist  Mirbolat Mırzataywlı, jurnalist Qoyşıbek Mübarak, qoğam belsendisi Araylım Nazar kirdi. Jäne är oblıstan ökilder tartılatını aytıldı.

Baylanıs nömerleri  8777- 493-83-83. 8701-299-90-28