سوڭعى ۋاقىتتا رەسەي نومىرىندەگى كولىكتەر تاقىرىبى قوعامدىق تالقىنىڭ ەڭ نەگىزگى تاقىرىبىنا اينالدى. وسىعان بايلانىستى باس پروكۋروردىڭ ورىنباسارى اسەت شىنداليەۆ ءوزىنىڭ پىكىرىن بىلدىرگەن.

اسەت شىنداليەۆ ەڭ الدىمەن بۇل كولىكتەردىڭ قازاقستاندىق كولىك ەمەس ەكەنىن باسا ەسكەرتتى جانە ولاردىڭ اراسىندا ىزدەۋدە نەمەسە قىلمىسقا قاتىستى كولىكتەردىڭ دە بار ەكەنىن العا تارتقان.

«مەن بۇل ماسەلەمەن اينالىسپايمىن. سىزدەر سەكىلدى مەن دە ول جايلى بۇقارالىق اقپارات قۇرالدارىنان عانا ءبىلىپ وتىرمىن. بىلەۋىمشە، ءىىم قازىر ول ىسپەن اينالىسىپ جاتىر. ەڭ قيىنى، بۇل جەردە كولىكتەردى تىركەۋدە عانا ەمەس، ول كولىكتەردىڭ ءبىر بولىگىنىڭ ىزدەۋدە جۇرگەندىگىندە، ءتىپتى ءبىرازى ەسەپتەن شىعارىلىپ، بىزگە تىركەلمەگەن»، – دەيدى ءا.شىنداليەۆ پىكىرىندە.

بۇعان قوسا باس پروكۋروردىڭ ورىنباسارى: «اراسىندا قىلمىسقا قاتىستىسى، تىركەلگەنى، ۇرلانعانى دەيسىز بە – ءبارى بار. ولارعا ءنومىر تاعا سالعان دا جۇرە ەرگەن. بۇل كولىكتەردى تەۋىپ جۇرگەندەر جاعىنان بۇل زاڭسىز. ءبارىمىز دە زاماتتارمىز، زاڭعا باعىنۋىمىز كەرەك. ەگەر زاڭ بويىنشا كولىكتى تىركەۋ بىزگە مىندەتتى بولسا، تىركەلۋىمىز كەرەك. ءسىزدىڭ دە، ءبىزدىڭ دە اماندىعىمىز ءۇشىن ءتارتىپ سولاي بولۋى ءتيىس»، – دەگەن اسەت قازاقبايۇلى.

رەسەي نومىرىندەگى كولىكتەرى بار قازاقستاندىق ازاماتتار ءار جەردە ءىىم تارابىنىڭ قىسىمىنا نارازىلىقتارىن ءبىلدىرىپ جاتىر. 8 قاراشادا ەل استاناسىندا ونداعان ازامات قىسىمدى توقتاتىپ، زاڭداستىرىپ بەرۋدى، كولىكتەرىن ايىپپۇل تۇراقتارىنان شىعارۋدى تالاپ ەتكەن ەدى. ال، 9 قاراشادا اقتوبە قالاسىندا ءجۇز شاقتى جۇرگىزۋشى ۇقساس تالاپپەن «نۇر-وتان» پارتياسى عيماراتىنىڭ الدىندا جينالعان بولاتىن.

The Qazaq Times