اقىن، پروزايك رافاەل نيازبەكوۆ ومىردەن وزدى

بۇگىن، 20 قىركۇيەك كۇنى قازاقتىڭ تاعى ءبىر دارىندى قالامگەرى، اقىن، پروزايك رافاەل نيازبەكوۆ 78 جاسقا قاراعان شاعىندا ومىردەن وزدى.

رافاەل نيازبەك 1943 جىلى جامبىل وبلىسى تالاس اۋدانىندا دۇنيەگە كەلگەن. 1978 جىلى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىن تامامداعان. قالامگەر قازاق راديوسىندا، «جۋلدىز» جۋرنالىندا، «جازۋشى» باسپاسىندا ەڭبەك ەتكەن. قازاق ادەبيەتىنىڭ قازىناسىنا «وركەن»، «بيىكتەي بەر، تاۋلارىم»، «جەتىگەن»، «تامۇق وتىنا جانباعان»، «شەشەندەر»، «يچكەريا» اتتى جىر جيناقتارىن، «وتاعاسى»، «قاڭتار»، «قىزعىش قۇس» سياقتى پوۆەستەرى، «قىزىل ءۇي»، «تاس قۇداي» قاتارلى پروزالىق شىعارمالارىن سىيلاعان.

ر.نيازبەكوۆ قازاقستاننىڭ ەڭبەك سىڭىرگەن قايراتكەرى ءارى شەشەنستان رەسپۋبليكاسىنىڭ ەڭ جوعارى «ۇلت نامىسى» وردەنىنىڭ يەگەرى.

ورىنى تولماس قازاعا بايلانىستى قالامگەردىڭ وتباسى مەن جاقىن تۋىستارىنا، اعايىن-دوستارى مەن قازاق ەلىنە قايعىرا وتىرىپ كوڭىل ايتامىز!

The Qazaq Times