19 qañtarda koronavirus jwqqan 1134 adam, 18 qañtarda koronavirus pnevmoniyasına şaldıqqan 118 adam anıqtalğan. Qazir elde 25 mıñnan astam adam (U07.1 nemese KVI+ boyınşa 13 404, U07.2 nemese KVI- boyınşa 11 643) auırıp jatır. 

#U07.1 Koronavirus PTR testi arqılı tabılğan jaña keysterdiñ eñ köbi – astana (198), Pavlodar (151), Almatı qalası (112), Aqmola (108), Almatı (92), SQO (76), Atırau (74), Qarağandı (72) oblıstarında. Ötken täulikte 948 adam auruınan ayğıp şığıp üyine jiberilgen, sonday-aq 8 adam ömirden ötken.

#U07.2  Düysenbi küni, yağni qañtardıñ 18-i koronavirus pnevmoniyasına jatatın 118 nauqas jäne 3 ölim jağdayı tirkelgen. Aqparatı bir täulikke keşigip beriletin pnevmoniyadan ayıqqandar sanı 149-ğa arttı.

#Jalpı  Täuliktik körsetkiş kün sayın artıp keledi. Qañtardıñ 13-inen beri täuligine wdayı 900-den kem emes keys anıqtaluda. Mäselen, düysenbi küni 1117  nauqas anıqtalğan.

DenMin-niñ resmi mälimetinşe, emdelip jatqan 25 038 nauqastıñ 6522-si auruhanada, 18 516-sı ambulatorlıq baqılauda. Ahualı naşar 307 nauqastıñ arasında 61 adamnıñ jağdayı qattı qiındağan. 34 sırqat ökpeni jasandı jeldetu apparatımen tınıstap jatır.

Aqparat ministrliginiñ coronavirus2020.kz saytı men Densaulıq saqtau ministrliginiñ media resurstarında jariyalanğan derekter birneşe aydan beri qate berilip kelgeni jaylı materialdar jariyalap, aqparat qwraldarına eskertkenbiz. 26 jeltoqsannan bastap ministrlik kemşiligin moyındap, resmi habarlamanıñ formasın ögertti. Statistikanıñ pnevmoniyağa qatıstı merzimin körsetip jariyalauğa köşti.

(!) Pandemiya moderatorı ministrlik tek senbi-jeksenbide ğana emes, mereke künderi de statistikanı tolıqtay jürgizuge qauqarsız. Mäselen, jeltoqsan ayınıñ 1, 16, 17, 18-i jäne 19-ına, 1-4, 7 qañtarğa tiesili derekter eselep kemigen. Küzdiñ ortasında sol kezdegi DenMin-niñ resmi-erikti ökili Bağdat Qojahmetov ekinşi tolqında demalıs künine qaramastan statistikanı tolıq kölemde jürgizuge uäde bergen edi. Biraq is jüzinde olay bolmay şıqtı. 

The Qazaq Times redakciyası tömendegi kesteni eñ şınayı nwsqa dep sanaydı.

Osığan deyin 9 jeltoqsan densaulıq saqtau vice-ministri, bas memlekettik sanitar-därigeri Erlan Qiyasov Qazaqstanda koronavirus infekciyasın jwqtırudıñ şarıqtau kezeñin biıl qañtar jäne aqpan aylarına säykes keledi dep boljağan. Alayda ministr Aleksey Coy seysenbi küngi ükimet otırısında bwl boljamdı jañarttı. Onıñ sözinşe, naurız ayınıñ soñına qaray jağday qiındap, jwrt kezekti  şarıqtau kezeñin (bıltırğı «mausım-şilde qırğınan» – QT) ötkerui mümkin.

13 naurızdan beri COVID-19 infekciyasın jwqtırğandar qatarı 171 mıñnan assa, 1 tamızdan bergi koronavirus pnevmoniyası 47 mıñğa juıqtağan. DDSW mälimetinşe, Qazaqstanda auırğandardıñ sanı 216 mıñğa, al Wlttıq statistikada 218 mıñğa jetken. Degenmen Ükimet koronavirus pen onıñ pnevmoniyasın eki bölek esepteydi. Halıqaralıq wyım tuıstas derttiñ qaupi birdey ekenine basa nazar audarsa da Qazaqstannıñ Densaulıq saqtau ministrligi koronavirus pen onıñ pnevmoniyalıq türine eki türli közqaraspen qaraydı. Onıñ anıq däleli – KVI+ diagnozı boyınşa jaña anıqtalğan nauqastar men qaytqandar, ayığıp şıqqandardıñ aymaqtardağı körsetkişi kündelikti jariyalanadı, al KVI- deregi tek jiıntıq mände beriledi. Koronavirus pnevmoniyasınıñ aymaqtarğa taraluı jönindegi esep ministr o basta aytqanday kündelikti ne aptasına emes, on künde bir ret, onıñ özinde vedomstvo saytına fayl formatında jüktelip keledi.

Äzirge virus taralu qateri jağınan astana, Aqmola, Atırau, SQO, Pavlodar jäne Qostanay oblıstarı – qızıl; BQO, ŞQO, Almatı jäne Qarağandı öñirleri – sarı aymaqta twr.

Pandemiya bastalğalı jalpı virus jwqqandardıñ 3914-i (KVI+ / U07.1 – 2431, KVI- / U07.2 – 545, ilespe aurulardan – 938) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 938  adamdı jalpı statistikağa engizbeydi. Bwğan qarsı sarapşılardıñ sözine qarağanda, koronavirustıñ janama äserinen qaytqandardıñ jartısınan astamınıñ sebebi qan aynalımı jüyesiniñ auruları bolğandıqtan, oğan infekciya dert qozdıruşı faktor retinde ölimge äkep soqtırğan.

Qoğamda bıltırğı 256 mıñ pnevmoniya jağdayın esepke qospay, jalpı statistikanı «mausım-şilde qırğınan» keyin jürgize bastağan Ükimettiñ esebine kümänmen qaraytındar köbeygen.

Qazaqstan virus taraluı boyınşa älemde Worldometers derekqorı jäne DDSW tiziminde 51-şi orında twr.

"The Qazaq Times"