Äskeri oqu orındar arasındağı İİİ Halıqaralıq olimpiada Foto: qazaqtimes.com

2017 jıldıñ 10-13 säuir aralığında elimizde alğaş ret Radioelektronika jäne baylanıs äskeri-injinerlik institutınıñ bazasında TMD  boyınşa joğarğı bilim beru wyımdarı kursanttarı arasında matematika päninen İİİ Halıqaralıq olimpiada ötip jatır. 

OlimpiadaTMD qwramındağı memleketterdiñ Qorğanıs ministrleri keñesiniñ 2014 jılğı 4 şildedegi  şeşimine säykes, 2015 jıldan bastap twraqtı  türde ötkizilip keledi.

2017 jılı TMD elderiniñ Qorğanıs ministrleri keñesiniñ, sonday-aq QR Qarulı küşteriniñ qwrılğanına 25 jıl toluına oray Qazaqstanda ötkizu josparlanğan bolatın. Atalmış olimpiada osı aytulı datalarmen säykes kelip, elder arasındağı dostıq qarım-qatınastı nığaytıp, äskeri joğarğı oqu orındarı arasında täjiribe almasu maqsatında wyımdastırılıp otır.

Bilim sayısında törelik etuge azamattıq oqu orındarınıñ professor-oqıtuşıları, matematika salasındağı asa täjiribeli mamandar, sonımen qatar QR Wlttıq ğılım akademiyasınıñ ğılımi-zertteu instituttarınıñ qızmetkerleri şaqırıldı.

Olimpiada wyımdastıruşılarınıñ biri, RjBÄII-nıñ kursantı: "Biılğı olimpiadağa TMD-ğa müşe 6 eldiñ kursanttarı qatısatın boladı. Qatısuşı memleketter - Resey, Belerus', Qırğızstan, Armeniya, Täjikstan jäne Qazaqstan. Sonday-aq Özbekstan Respublikasınan baqılauşı retinde arnayı ökilder şaqırıldı".

Elimizdiñ namısın qorğaytın äskeri oqu orındarınıñ kursanttarı osı olimpiadağa wzaq dayındalıp, matematikalıq zañdılıqtardı tek teoriyalıq deñgeyde emes, injinerlik, täjiribelik twrğıdan da zerttegendikterin aytuda.

Olimpiada qorıtındısı 13 säuir küni belgili boladı.

“The Qazaq Times”