اسكەري وقۋ ورىندار اراسىندا ءىىى حالىقارالىق وليمپيادا ءوتىپ جاتىر

2017 جىلدىڭ 10-13 ءساۋىر ارالىعىندا ەلىمىزدە العاش رەت راديوەلەكترونيكا جانە بايلانىس اسكەري-ينجينەرلىك ينستيتۋتىنىڭ بازاسىندا تمد  بويىنشا جوعارعى ءبىلىم بەرۋ ۇيىمدارى كۋرسانتتارى اراسىندا ماتەماتيكا پانىنەن ءىىى حالىقارالىق وليمپيادا ءوتىپ جاتىر. 

وليمپياداتمد قۇرامىنداعى مەملەكەتتەردىڭ قورعانىس مينيسترلەرى كەڭەسىنىڭ 2014 جىلعى 4 شىلدەدەگى  شەشىمىنە سايكەس، 2015 جىلدان باستاپ تۇراقتى  تۇردە وتكىزىلىپ كەلەدى.

2017 جىلى تمد ەلدەرىنىڭ قورعانىس مينيسترلەرى كەڭەسىنىڭ، سونداي-اق قر قارۋلى كۇشتەرىنىڭ قۇرىلعانىنا 25 جىل تولۋىنا وراي قازاقستاندا وتكىزۋ جوسپارلانعان بولاتىن. اتالمىش وليمپيادا وسى ايتۋلى داتالارمەن سايكەس كەلىپ، ەلدەر اراسىنداعى دوستىق قارىم-قاتىناستى نىعايتىپ، اسكەري جوعارعى وقۋ ورىندارى اراسىندا تاجىريبە الماسۋ ماقساتىندا ۇيىمداستىرىلىپ وتىر.

ءبىلىم سايىسىندا تورەلىك ەتۋگە ازاماتتىق وقۋ ورىندارىنىڭ پروفەسسور-وقىتۋشىلارى، ماتەماتيكا سالاسىنداعى اسا تاجىريبەلى ماماندار، سونىمەن قاتار قر ۇلتتىق عىلىم اكادەمياسىنىڭ عىلىمي-زەرتتەۋ ينستيتۋتتارىنىڭ قىزمەتكەرلەرى شاقىرىلدى.

وليمپيادا ۇيىمداستىرۋشىلارىنىڭ ءبىرى، ءرجباي-نىڭ كۋرسانتى: "بيىلعى وليمپياداعا تمد-عا مۇشە 6 ەلدىڭ كۋرسانتتارى قاتىساتىن بولادى. قاتىسۋشى مەملەكەتتەر - رەسەي، بەلەرۋس، قىرعىزستان، ارمەنيا، تاجىكستان جانە قازاقستان. سونداي-اق وزبەكستان رەسپۋبليكاسىنان باقىلاۋشى رەتىندە ارنايى وكىلدەر شاقىرىلدى".

ەلىمىزدىڭ نامىسىن قورعايتىن اسكەري وقۋ ورىندارىنىڭ كۋرسانتتارى وسى وليمپياداعا ۇزاق دايىندالىپ، ماتەماتيكالىق زاڭدىلىقتاردى تەك تەوريالىق دەڭگەيدە ەمەس، ينجينەرلىك، تاجىريبەلىك تۇرعىدان دا زەرتتەگەندىكتەرىن ايتۋدا.

وليمپيادا قورىتىندىسى 13 ءساۋىر كۇنى بەلگىلى بولادى.

“The Qazaq Times”