Bügin, 10 qañtarda tañerteñ Almatı qalası men oblısındağı saylau uçaskelerine aqparat taratu üşin barğan Azattıq tilşilerin negizsiz talappen kirgizbey qoyğan.

Osı uaqıtqa deyin aqparat qwraldarınıñ ökilderine PTR-testi mindettelmegenine qaramastan saylau komissiyaları test qorıtındısın swratqan.

Qaladağı №173 saylau uçaskesine barğan Azattıq tilşisi Ayan Qalmwrattan «saylau komissiyası törağası Nwrjan Isqaqov» PTR-test talap etip, ondağılar «qolın küştep qayırıp şığarıp jibergen». Däl osınday jağday №350 jäne Almatı oblısı Talğar audanı Jalğamıs auılındağı №894 jäne №893 saylau uçaskelerinde bolğan.

29 jeltoqsan OSK-men kelisilgen bas sanitar därigerdiñ qaulısına säykes, saylau kezinde BAQ ökilderi PTR-test tapsıruğa mindettelmegen, tek tek partiyanıñ senimdi ökilderi, saylau komissiyası müşeleri men baqılauşılardıñ ğana PTR-testen ötuge mindettelgen.

2 jeltoqsan küni Qazaqstan prezidenti Toqaev 2021 jıldıñ 10 qañtarında ötetin mäjilis jäne mäslihattar saylauın «aşıq äri ädil ötkizuge nietti» ekenin mälimdegen edi. Degenmen törağasınıñ «Kitaphanağa» jäne mäjilis deputattığınan dämeli Dariğa Nazarbaevağa tuıstıq jaqındığı bar Ortalıq saylau komissiyası 2019 jılğı prezident saylauınan keyin baqılauşılarğa qoyılatın talaptı küşeyte tüsti. Sonday-aq, atqaru organdarı tarapınan qısım  artqan.

“The Qazaq Times”